Asosiy qoidalar

300-modda. Fuqaro ijtimoiy burchini namunali bajarganligi to‘g‘risida taqdimnoma va
xususiy ajrim
Surishtiruvchi, tergovchi yoki prokuror — taqdimnoma, sud esa, xususiy ajrim chiqarish yo‘li
bilan tegishli korxona, muassasa va tashkilot rahbarini va jamoasini jinoyatning oldini olish yoki uni
fosh etishda fuqaro yuksak onglilik, jasorat ko‘rsatgani, ijtimoiy burchini namunali bajarganligi
to‘g‘risida xabardor qilishi mumkin.
ETTINChI BO‘LIM 
REABILITATSIYA
37-bob. Reabilitatsiya asoslari va oqibatlari
301-modda. Reabilitatsiya asoslari

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
112/232
Oqlov hukmi, shuningdek ushbu Kodeksning 
83-moddasida
nazarda tutilgan holatlar shaxsni
reabilitatsiya etishga asos bo‘ladi.
302-modda. Reabilitatsiya etilishning mulkiy va boshqa oqibatlari
Oldingi
 tahrirga qarang.
Reabilitatsiya etilgan shaxs qonunga xilof ravishda ushlab turilgani, ehtiyot chorasi sifatida
qonunga xilof ravishda qamoqda saqlangani yoki uy qamog‘iga joylashtirilgani, pasportining
(harakatlanish hujjatining) amal qilishi qonunga xilof ravishda to‘xtatib turilgani, ishda ayblanuvchi
tariqasida ishtirok etishga jalb qilingani tufayli vazifasidan qonunga xilof ravishda chetlashtirilgani
yoxud tibbiy muassasaga qonunga xilof ravishda joylashtirilgani natijasida unga yetkazilgan mulkiy
zararni undirish hamda ma’naviy ziyon oqibatlari bartaraf etilishini talab qilish huquqiga ega.
(302-moddaning birinchi qismi O‘zbekiston Respublikasining 2019-yil 28-avgustdagi O‘RQ-558-sonli
Qonuni 
tahririda — Qonun hujjatlari ma’lumotlari milliy bazasi, 29.08.2019-y., 03/19/558/3662-son)
Bunday hollarda reabilitatsiya etilgan shaxsning ushbu Kodeksning 
310-moddasida 
nazarda
tutilgan mehnat qilish, nafaqa olish, uy-joydan foydalanish va boshqa huquqlari ham tiklanishi
lozim.