Asosiy qoidalar

595-modda. Protsessual harakatlarni bajarish to‘g‘risidagi so‘rovni O‘zbekiston
Respublikasi hududida ijro etish
Oldingi
 tahrirga qarang.
Sud, prokuror, tergovchi, surishtiruvchi xorijiy davlatning tegishli vakolatli organidan kelib
tushgan, o‘zlariga belgilangan tartibda topshirilgan protsessual harakatlarni bajarish to‘g‘risidagi
so‘rovni O‘zbekiston Respublikasining xalqaro shartnomalariga muvofiq yoki o‘zarolik prinsipi
asosida ijro etadi.
(595-moddaning birinchi qismi O‘zbekiston Respublikasining 2017-yil 6-sentabrdagi O‘RQ-442-sonli
Qonuni 
tahririda — O‘R QHT, 2017-y., 36-son, 943-modda)
Agar protsessual harakatlarni bajarish to‘g‘risidagi so‘rov kelib tushgan organ uni ijro etishga
vakolatli bo‘lmasa, u so‘rovni vakolatli organga yuboradi va bu haqda so‘rov tashabbuskorini yozma
ravishda xabardor qiladi.
Bevosita sudga, prokurorga, tergov organiga, surishtiruv organiga protsessual harakatlarni
bajarish to‘g‘risida kelib tushgan so‘rov ushbu Kodeks 592-moddasining 
uchinchi qismida

---

08.05.2022, 17:51
22.09.1994. O‘zbekiston Respublikasining Jinoyat-protsessual kodeksi
https://lex.uz/docs/-111460
224/232
ko‘rsatilgan tegishli organlar bilan kelishilgan holdagina ijro etilishi mumkin.
Oldingi
 tahrirga qarang.
Protsessual harakatlarni bajarish to‘g‘risidagi so‘rovni ijro etishda ushbu Kodeks normalari
qo‘llaniladi. Xorijiy davlat vakolatli organining iltimosi bo‘yicha, agar bu O‘zbekiston
Respublikasining qonunchiligiga zid bo‘lmasa, xorijiy davlatning protsessual qonunchiligi normalari
qo‘llanilishi mumkin.
(595-moddaning to‘rtinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
O‘zbekiston Respublikasining xalqaro shartnomalarida nazarda tutilgan hollarda yoki o‘zarolik
prinsipi asosida, protsessual harakatlarni bajarish to‘g‘risidagi so‘rovni ijro etishda xorijiy davlat
vakolatli organining vakillari ushbu Kodeks 592-moddasining 
uchinchi qismida
 ko‘rsatilgan tegishli
organlar ruxsati bilan hozir bo‘lishi mumkin.
Agar protsessual harakatlarni bajarish to‘g‘risidagi so‘rovni ijro etish mumkin bo‘lmasa, u
holda olingan hujjatlar so‘rovni ijro etishga to‘sqinlik qilgan sabablar ko‘rsatilib, so‘rovni olgan organ
orqali, zarur bo‘lganda esa diplomatik yo‘llar orqali xorijiy davlatning so‘rovni yuborgan vakolatli
organiga qaytarib yuboriladi.
Oldingi
 tahrirga qarang.
Agar so‘rov O‘zbekiston Respublikasining qonunchiligiga zid bo‘lsa yoki uning ijrosi
O‘zbekiston Respublikasi suverenitetiga yoxud xavfsizligiga zarar yetkazishi mumkin bo‘lsa, u ijro
etilmasdan qaytarib yuboriladi.
(595-moddaning yettinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)