Asosiy ozuqaviy modalar-oqsil, yog’lar, KARBONSUVlar, mineral moddalar va vitaminlarning biologik roli va asosiy manbalari

Pektin moddalari. Kimyoviy tuzilishi bo‘yicha gemitsellyulozalar, ya’ni kolloid polisaxaridlar yoki glyukopolisaxaridlarga kiradi. Pektin moddalari ikki turga — protopektin va pektinga ajratiladi.
Protopektinlar suvda erimaydigan o‘simlik pektinlariga kiradi. Ular mevalarning hujayra devorlarida bo‘lib, to‘qimalarda hujayralararo to‘siqni hosil qiladi va alohida hujayralarni bog‘lovchi material bo‘lib, hujayra devorini qalinlashtiradi. Protopektin - pektin bilan sellyulozaning qo‘shilishi bo‘lib, shuning uchun propektin o‘zining tarkibiy qismlariga parchalanib pektin manbai sifatida xizmat qilish mumkin.
Pektinlar eruvchan moddalarga kirib, organizmda o‘zlashtiriladi. Pektinaza fermenti ta’sirida pektin o‘zining sodda komponentlari - qand va tetragalakturin kislotaga parchalanadi. Bu fermentlar ta’sirida pektindan metoksil guruh (OSN₃) ajralib chiqadi. Bunda pektin kislota va metil spirti hosil bo‘ladi. Bu narsalar pishib o‘tib ketgan mevalarda, mevali va uzumli vinolarda bo‘ladi. Pektin moddalarining asosiy xususiyati - suvli eritmada kislota va qand ishtirokida jele va kolloid massa hosil qilishi bo‘lib, ular oziq-ovqat sanoatida ishlatiladi. Aniqlanishicha, pektinda metil spirti qancha ko‘p bo‘lsa, uning jele hosil qilish xossasi shuncha yaxshi bo‘lar ekan. Sabzavotlardan qizilcha va tomatdagi pektin oziq-ovqat sanoatida jele hosil qilish xususiyatining yo‘qligi sababli ishlatilmaydi.
Zamonaviy tekshirishlar sog‘lom odat ovqatlanishida pektinning ahamiyatini ta’kidlaydi, shuningdek uni terapevtik maqsadda ayrim kasalliklar, ayniqsa oshqozon-ichak kasalliklarda qo‘llanilishi zarurligini e’tirof etadi.
Pektinni qo‘rg‘oshin bilan ishlovchilar uchun qo‘llash yuqori samara berishi haqida ma’lumotlar bor. Shuning uchun qo‘rg‘oshin bilan zaxarlanish xavfi bo‘lgan ishlab chiqarish korxonalarida davolash-profilaktik ratsion tarkibiga pektinni kiritish samarali profilaktik ta’sir ko‘rsatgan.
Kuyish va yaralarga infeksiya tushish holatlarida pektin moddalarning terapevtik ta’sir ko‘rsatishi aniq.
Pektinni olishda xom ashyo sifatida – ko‘pgina o‘simlik mahsulotlari xizmat qiladi. Pektin olma, tarvuz, shuningdek kunboqarning po‘choqlaridan olinadi.