Асосий воситалар, номоддий активлар ва бошқа узоқ муддатли активлар

Асосий воситалар эскиришини ҳисобга
олувчи счётларнинг (0200) боғланиши

Корхонага эгалик қилиш ҳуқуқида тегишли бўлган ва молиявий ижара шартномаси бўйича олинган асосий воситалар эскириши тўғрисидаги ахборотни умумлаштириш қуйидаги счётлар орқали амалга оширилади:

0211 "Ерни ободонлаштиришнинг эскириши";
0212 "Молиявий ижара шартномаси бўйича олинган асосий воситаларни ободонлаштиришнинг эскириши";
0220 "Бино, иншоот ва узатувчи мосламаларнинг эскириши";
0230 "Машина ва асбоб-ускуналарнинг эскириши";
0240 "Мебель ва офис жиҳозларининг эскириши";
0250 "Компьютер жиҳозлари ва ҳисоблаш техникасининг эскириши";
0260 "Транспорт воситаларининг эскириши";
0270 "Ишчи ҳайвонларнинг эскириши";
0280 "Кўп йиллик ўсимликларнинг эскириши";
0290 "Бошқа асосий воситаларнинг эскириши";
0299 "Молиявий ижара шартномаси бўйича олинган асосий воситаларнинг эскириши".
Таҳлилий ҳисоб тузилиши Ўзбекистон Республикаси ҳудудида ва хориждаги асосий воситаларнинг эскириши мавжудлиги ва ҳаракати тўғрисида маълумотларни олиш имкониятини таъминлаши лозим.
Мазкур гуруҳ счётлари кредити бўйича, харажатларни ҳисобга олувчи счётлар билан боғланган ҳолда, асосий воситалар бўйича ҳисобланган эскириш акс эттирилади.
Корхонага эгалик қилиш ҳуқуқида тегишли бўлган асосий воситалар объектларини тугатиш, сотиш, текинга бериш, устав капиталига улуш сифатида бериш, молиявий ижара шартномаси бўйича бериш, камомад ёки нобуд бўлиш натижасида ҳисобдан чиқаришда улар бўйича жамланган эскириш суммаси асосий воситалар эскиришини ҳисобга олувчи тегишли счётларнинг (0200) дебетидан 9210 "Асосий воситаларнинг чиқиб кетиши" счётининг кредитига ҳисобдан чиқарилади.

Т/р	Хўжалик операциясининг