Асосий маълумотлар

1-масала. 2021 йил 15 январда аудитор ташкилоти ва қишлоқ хўжалиги соҳасидаги йирик “ХХХ” кластер хўжалиги ўртасида маҳсулот ҳажмини янада ошириш ва унга таъсир қилувчи омилларни аниқлаш бўйича келишув амалга оширилди. Келишувга кўра, аудитор “ХХХ” кластер хўжалигида маҳсулот ишлаб чиқариш ҳажмига таъсир этувчи кўрсаткичларнинг даражаси ва динамикаси ҳолатини аниқлаш ҳамда текширув ҳисоботига асосланиб, хўжаликни кейинги даврлар ривожланиши бўйича тавсиялар бериш текширув объекти сифатида белгиланди.
Аудитор бухгалтер томонидан тақдим этилган бухгалтерия ҳисоби ва ҳисоботларидан маҳсулот ҳажмига нисбатан таъсир этувчи кўрсаткичларни аниқлаштиришни режалаштирди.
Асосий маълумотлар

1. 
   Маҳсулот ҳажми, (минг сўм): ўтган йилда 2113430, бизнес режа бўйича 2198763, ҳақиқатда 2553967.
   
2. 
   Ишлаб чиқариш ходимларни ўртача сони, (киши): ўтган йилда 838, бизнес режа бўйича 820, ҳақиқатда 814.
   
3. 
   Жумладан, ишчилар сони, (киши): ўтган йилда 617, бизнес режа бўйича 605, ҳақиқатда 599.
   
4. 
   Бир ишчини йил давомида ишлаган киши-кунлари, (киши-кун): ўтган йилда 263, бизнес режа бўйича 265, ҳақиқатда 256.
   
5. 
   Бир ишчини йил давомида ишлаган киши-соатлари, (киши-соат): ўтган йилда 2087.15, бизнес режа бўйича 2074.71, ҳақиқатда 2008.01.
   

Қўшимча маълумотлар.
Ишчининг меҳнат унумдорлигига таъсир этувчи омилларнинг таҳлилида бир ишчига тўғри келадиган ўртача йиллик маҳсулот ҳажми қуйидаги омилларга боғлиқ.

1. 
   Бир ишчининг йил давомида ишлаган ўртача киши кунлари = (жами киши кунлари/ишчилар сони)
   

2. 
   Иш куни давомийлиги, соат = (жами ишланган киши соат/жами ишланган киши кунлари)
   

3. 
   Ишчининг бир соатлик иш унуми = (маҳсулот ҳажми / жами ишланган киши -соат)
   

Таҳлил этишда бир ишчига тўғри келадиган ўртача йиллик маҳсулот ҳажмининг режасига, ўтган йилга нисбатан ўзгариш сабаблари ва унга таъсир этувчи омиллар қуйидагича аниқланади.

Бир ишчига тўғри Бир ишчининг Иш куни Ишчининг 1 соатлик

келадиган ўртача = ишлаган киши * давомийлиги * иш унуми
йиллик маҳсулот кунлари