Асосий касалликнинг баёии

Лаборатория текширув усули.
Текширилаѐтган биологик суюқлик ва захм 
тошмаларидаги спирохеталарни қидириб топиш қоронғилаштирилган кўриш майдонида 
амалга оширилади. Бу Тиндал феноменига асосланган. Рангпар трепонемалар анилин 
бўѐқларни ўзига ѐмон қабул қилади, баъзан бу бўѐқлар билан умуман бўялмайди. Захм 
қўзғатувчиларининг рангпар ѐки оқиш трепонемалар деб аталиши бежиз эмас. Бундан 
ташқари, спирохеталар бўялганда улар нобуд бўлиб, муҳим фарқловчи белги, яъни ўзига хос 
ҳаракат турларини кузатиш имкони бўлмайди. Бу ҳол патоген спирохеталардан сапрофит 
спирохеталарни ажратиш имкониятидан маҳрум этади. Шу сабабли захм қўзғатувчилари 
тирик ҳолатларда текширилади. Бунинг учун микроскопнинг конденсо-рига қора қоғоз 
қўйилиб, кўриш майдони қоронғилаштирилади ва ѐн томондан ѐруғлик нури берилади. 
Текшириш учун захм тошмаларидан бир-икки томчи тўқима суюқлиги (серум деб аталади) 
олиниб, предмет (буюм) ойнасига томизилади, сўнгра бир-икки томчи физиологик эритма 
томизилиб спирохеталарнинг ҳаракатланиши учун қулай шароит яратилади. Текширилаетган 
суюқлик қоплагич ойнача билан ѐпилиб микроскоп стол-часига қўйилади. Тегишли ѐруғлик 
ва катталаштирувчи ускуналар ѐрдамида кўриш майдони топилгач, спирохеталарни қидира 
бошланади. Қоронғи кўриш майдонида рангпар трепонемалар кумуш рангда жилваланади. 
Борди-ю дастлабки лаборатория текширувларида трепонемалар топилмаса, изланиш бир 
неча бор такрорланади. 
Такрорий текширувлар пайтида текширилаѐтган тошмалар юзаси изотоник эритма 
ѐрдамида 24 соат давомида намланиб турилади. Текширилаѐтган тошмаларда захм 
қўзғатувчилари топилмаса, лимфа тугунларининг пунктати – тўқима суюқлиги текширилади. 
Захмнинг юқиш йўллари.
Касаллик қуйидаги йўллар билан бемордан соғлом кишига ўтади: 
1.
Жинсий йўл - жинсий алоқа пайтида зарарланиш. Бунга жинсий аъзолар иштирок этадиган 
яқинликнинг барча турлари киради. Бемор жинсий аъзоларида жойлашган тошмаларда 
рангпар трепонемалар кўп миқдорда бўлади. 
2.
Ножинсий йўл: 
а) жинсий аъзолар иштирокисиз яқинлик қилиш 
(ўпишиш, тўшакда бирга ѐтиш); 
б) қон орқали юқиш (захмга чалинган беморларнинг қони қуйилганда); 
в) касбга алоқадор зарарланиш (тиббий ходимларнинг эҳтиѐтсизлиги туфайли муолажа 
пайтида касаллик юқтиришлари); 
г) маиший йўл билан юқиш (турмуш анжомларидан умумий фойдаланиш натижасида). 

---