Асосий касалликнинг баёии

Хушки (оддий темиратки).
Стрептодермиянинг қуруқ клиник кўринишидир. Бунда 
пуфак ва йиринглар пайдо бўлмайди, тошма намланмайди. Касаллик мактабгача ва мактаб 
ѐшдаги болаларда кўп учрайди. Бунда юзнинг ѐноқ соҳасида, пастки жағ терисида 
яллиғланмайдиган доғлар пайдо бўлади. Бундай доғлар баданда, қўл ва оѐқларда ҳам 
кузатилади. Доғлар айлана ва овал шаклида бўлиб, катталиги нўхатдек, бир тийинлик ча-
қадек, баъзан ундан ҳам катта бўлиши мумкин. Четлари чегараланган, оқимтир, қизғимтир 
рангли, ѐки кул ранг. Доғларнинг барчаси майда қипиқлар билан қопланган. Айниқса териси 
қорамтир болаларда оқариб кўринади. Кўпинча баҳорда ва кузда пайдо бўлиб, даволанмаса 
ҳам йўқолиб кетади, бироқ яна пайдо бўлади. Қипиқлар билан қопланган ва 
яллиғланмайдиган бу доғлар кепаксимон темираткини эслатади. Аммо Бальцер синовининг 
манфий жавоби ва замбуруғларнинг йўқлиги касалликнинг аниқ табиатини аниқлашда ѐрдам 
беради. Даволанган хушки песни эслатади. Шундай қипиқлардан тозаланган бу оқ доғлар 
беморларни ва ота-оналарини жуда ташвишга солади. Бироқ касалликнинг фаслга алоқадор 
кечиши, ўзига хос жойлашгани уни песдан фарқлашда ѐрдам беради. 
Терининг йирингли касалликларини (стрепто- ва стафилодермияларни) даволашда 
антимикроб дорилар: антибиотиклар, сульфаниламидлар кенг қўлланилади. Ан-
тибиотиклардан пенициллин гуруҳи, тетрациклин гуруҳи кўпроқ наф беради. Таъсир 
муддати узайтирилган сульфаниламидлардан сульфадиметоксин, сульфомонометок-
синлар йирингли тошмаларнинг тезроқ сўрилиб кетиши учун ѐрдам беради. Юқумли яра, 
сохта чипқон каби сепсисга сабаб бўлувчи пиодермитларни даволашда қон ѐки унинг 
зардобини қуйиш, шунингдек полиглюкин, гемодез каби суюқликларнинг томчилаб 
қуйилиши интоксикацияни пасайтиради. Сурункали давом этиб, қайталаниб турадиган 
пиодермитларда специфик иммун даво яхши натижалар беради. Улар (стафилококкли 
вакцина, анатоксин ва антифагин) махсус қоида асосида тери остига юборилади.
Пиодермитларнинг (айниқса чипқон, сув чипқон) кечиккан турларида жарроҳлик 
усулларини қўллаш асқотади. 
Терининг йирингли касалликларини маҳаллий даволашда терида кузатиладиган
жараѐннинг табиатига ва пиодермитнинг турига қараб даволашга турлича талаблар 
қўйилиши лозим. Жумладан, сувланиб, йирингли суюқликлар билан намланган ҳолларида 
яллиғланиш ўчоқларини бактерицид суюқликлар (резорцин, риванол, Алибур суюқлиги, 
калий перманганат) билан ювиб тозалаш зарур. Сўнгра антибиотикли малҳамлар суртиш 
мумкин. Пуфаклар жойлашган соҳаларда эса дастлаб пуфаклар кесилиб, яллиғланиш 
суюқлиги чиқарилади. Кейин Кастелляни эритмаси ѐки метилен кўки эритмаси билан 
ишлов берилади. Ҳали кесилмаган тугунлар ва маддалар ихтиол, нафталан малҳамлари 
ѐрдамида юмшатилиб мадданинг сўрилиши учун имконият яратилади. Терининг 
сезувчанлиги ошиши билан кечадиган пиодермитларда таркибида антибиотиклар 
сақланадиган стероид малҳам-ларни (гиоксизон, лоринден С) қўллаш мақсадга 
мувофиқдир. 
Янги туғилган чақалоқларда кузатиладиган пиодер-дермияларни даволаш муҳим ва 
масъулиятли вазифадир. Шифокор-педиатрлар ўз меҳнат фаолиятларида, айниқса 
стрептодермиялар ва стафилодермияларнинг турли-туман асоратланган хилларини 

---

учратадилар. Пиодермияларнинг бундай оғир формалари даво чораларини ўша заҳотиѐқ 
бошлашга 
ундайди. 
Энди 
туғилган 
чақалоқларда 
пиодермияларни 
(айниқса 
стафилодермияларни) даволаш комплекс олиб борилиши лозим. Касалликни қўзғатувчи 
микроорганизмларга қарши курашиш билан бирга чақалоқ организмининг қаршилик 
кўрсатиш қобилиятини оширувчи препаратларни буюриш ўлим хавфининг олдини олади.
Шунингдек функционал ўзгаришларга қарши кураш ва модда алмашинувида кузатиладиган
нуқсонларни тўлдириш касаллик ва унинг асоратларини тезда бартараф этишга ѐрдам
беради. Пиодермияларга дучор бўлган чақалоқларни она сути билан боқиш (оналарини эса 
оқсил, углевод, ѐғ, витаминлар ва микроэлементларга бой озиқ-овқат маҳсулотлари билан 
боқиш) даволашнинг асосий талабларидан бири ҳисобланади. 
Беморларга антибиотиклар буюрилганда касаллик кўзғатган микроорганизм турлари ва 
аниқланган штаммларининг антибиотикларга нисбатан сезувчанлигини аниқлаш муҳим
амалий аҳамият касб этади. Кейинги вақтларда пенициллин ва тетрациклин гуруҳларига 
нисбатан чидамлилиги юқори бўлган стафилококклар штамм-лари кўпайиб бормоқда. 
Аммо, оғир ва асоратлар билан кечаѐтган пиодермияларда бактериологик текширув
натижаларини кутмасдан ўша заҳотиѐқ ярим синтетик пени-циллинлар гуруҳини
(метициллин, оксациллин, диклоксациллин) қўллаш лозим. Бу тадбир чақалоқ аҳволини 
енгиллаштириш билан бирга ривожланаѐтган сепсиснинг олдини олади. Жумладан, Риттер 
дерматитида пенициллинларнинг юборилиши «эпидермалитик» токсинлар ҳосил бўлишини
тўхтатади. Чақалоқларга антибиотиклар мушак орасига, лозим бўлса томир ичига 
юборилиши лозим. 
Умумий таъсирга эга бўлган, организмнинг қаршилик кўрсатиш қобилиятини оширувчи 
дори воситаларидан гамма-глобулин, стафилококка қарши гамма-глобулинлар ва 
полиглобулинлар яхши наф беради. Улар даво курси мобайнида 2-3 марта юборилиши 
лозим. Стафилококка қарши плазма юбориш (ҳар 1 кг тана оғирлигига 5-8 мл дан 3-5 марта 
2-3 кунлик танаффус билан) қондаги стафилококкларнинг қирилишига олиб келади. Ток-
сикоз ҳолатига қарши курашда 5-20% ли глюкоза, гемодез, альбумин, плазма, полиглюкин 
каби суюқликлар кутилган натижаларни беради. Маълумки, антибиотикларни узоқ муддатга 
қўллаш, шунингдек ичакларнинг стафилококклардан зарарланиши дисбактериоз ҳодисасини 
келтириб чиқариши мумкин. Бу ҳол сохта чипқон ва Риттер дерматитига дучор бўлган ѐш 
болаларда кўпроқ кузатилади. Бифидумбактерин, лактобактерин каби ферментли 
препаратлар эса ана шу дисбактериозни даволашда кенг қўлланилади. Лактобактерин 6 
ойгача бўлган болаларда суткасига 1-2 дозадан, бифидумбактерин эса 3 дозадан берилади 
(доривор модданинг суткалик миқдори 2-3 га бўлиб берилади). Даво курси 2 ҳафтани 
ташкил этади. 
Маҳаллий даво индивидуал олиб борилиши лозим. Перипоритларда йирингли пуфаклар 
тоза игна ѐрдамида очилиб, сўнгра анилин бўѐқлари билан ишлов берилади. Айниқса 
Кастеллани суюқлиги, метилен кўки каби эритмалар кенг қўлланилади. Ўчоқлар қурий 
бошлагач, рух оксидининг тальк аралашмаси (5-10%) упа кўринишида сепилади. Сохта 
чипқон элементлари эса скальпел ѐрдамида мунтазам равишда қирқиб олинади. Очилган 
чипқон ўчоқларига спиртли дезинфекцияловчи эритмаларни суртиш эпителийланиш 
жараѐнини тезлаштиради. 
Физиотерапевтик усуллардан ультраюқори частотали электр майдони билан даволаш (6-
8 даво сеанси) йирингли ўчоқларнинг сўрилишига сабаб бўлади. Касаллик тузалиш 
арафасида ультрабинафша нурлари билан нурлантириш (15-20 сеанс) йирингли 
ўчоқларнинг асоратсиз битишига ва чақалоқ организми умумий ҳолатининг яхшиланишига
олиб келади. 
Юқумли яра аниқланган чақалоқлар бошқа болалардан ажратилиб, алоҳида хоналарга 
жойлаштирилиши лозим. Туғруқхоналарда юқумли пуфаксимон яранинг эпидемик 
тарқалиши мазкур туғруқхонанинг вақтинчалик ѐпиб қўйилишига сабаб бўлади.