Асосий бевосита объекти ҳисобланади. Қушимча бевосита объект бўлиб

Субъектив томондан ҳалок бўлаётган ҳарбий кемани тарк этиш бевосита қасддан содир этилади. Командир ўз вазифаларини бажармасдан ёки тула ҳажмда бажармасдан кемани ташлаб кетаётганини англайди ва кемани ташлаб кетишни истайди. Агар айбнинг эхтиётсизлиги аниқланса жиноий жавобгарлик мустасно этилади.
Ҳарбий кемани команда аъзолари томонидан ташлаб кетилиши ҳам бевосита қасддан содир этилади. Айбдор, ҳарбий кема командирнинг командаси йўқ бўлишига қарамасдан кемани ташлаб кетаётганини англайди ва шуни истайди. Эҳтиётсизлик шаклидаги айблар ҳам жиноий жавобгарликни мустасно этади.
Жиноят субъекти командир ёки ҳарбий кема командаси аъзоси. Ҳарбий кема командаси ҳарбий хизматчилардан шаклланади, аммо унинг таркибига ўқув йиғинлари ўтаётган даврдаги ҳарбий мажбуриятчилар ҳам киришлари мумкин.
ЖКнинг 289-моддаси 2-қисмида жанговар ҳолатда содир этилган ҳарбий кемани ташлаб кетганлик учун жавобгарлик назарда тутилади.
4. ЎЗИНИНГ БИРОН АЪЗОСИНИ МАЙИБ ҚИЛИШ ЙЎЛИ БИЛАН ЁКИ БОШҚА УСУЛДА ҲАРБИЙ ХИЗМАТДАН БУЙИН ТОВЛАШ ЖИНОЯТИ УЧУН ЖАВОБГАРЛИК
Жиноятнинг бевосита объекти ҳарбий хизмат ўташнинг урнатилган тартибларини таъминловчи жамият муносабатларидан иборатдир.
ЖК 290м. да назарда тутилган жиноятнинг объектив томонлари ўзининг бирон аъзосини майиб қилишда, яъни ҳарбий хизматчини ҳарбий хизматни ўташдан ўзига қандайдир шикаст етказиш йўли билан, шу билан баравар ўзини ёлғондан касалликка солиш йўли билан, ҳужжатларни қалбакилаштириш ёки бошқача алдаш йўли билан, ёки ҳарбий ҳизмат мажбуриятларини ўташдан бош тортиш билан буйин товлашда ифодаланади.
Ҳарбий хизмат ўташдан буйин товлаш аъзоларига шикаст етказиш, ёки касалликни симуляция қилиш, ҳарбий хизмат ўташдан буйин товлаш мақсадида хужжатларни қалбакилаштириш, ҳарбий хизмат ўташдан бош тортиш вақтидан бошлаб тугалланган деб тан олинади.
Жиноятнинг субъектив томони бевосита қасддан содир этилади. Айбдор ҳарбий хизматдан ноқонуний усулда озод этилишга етишмоқчилигини англайди ва шуни истайди.