Asl birikтiruvchi тo’qima

Asl biriktiruvchi to’qima

Asl biriktiruvchi to’qima tolali biriktiruvchi to’qima va maxsus xususiyatga ega bo’lgan biriktiruvchi to’qimaga bo’linadi. Тolali biriktiruvchi to’qimada hujayra elementlari va hujayralararo moddaning nisbati turlichadir. Siyrak shakllanmagan biriktiruvchi to’qimada hujayra elementlari ko’p bo’lib, hujayralararo tolalari esa kam. U asosan trofik, himoya va tayanch vazifalarni o’taydi. Тolalari ko’pligi bilan keskin farq qiluvchi to’qima zich biriktiruvchi to’qimadir. U ko’proq tayanch vazifasini o’taydi. Agar zich biriktiruvchi to’qima tolalari turli yo’nalishda yotsa-shakllanmagan, tolalar tartibli joylashsa, shakllangan zich biriktiruvchi to’qima deb yuritiladi. Ularni sxematik ravishda quyidagicha ifodalash mumkin:

Siyrak tolali shakllanmagan biriktiruvchi to’qima
Siyrak tolali shakllanmagan biriktiruvchi to’qima hujayra elementlari va oraliq moddadan tashkil topgan bo’lib, unda biriktiruvchi to’qimaning barcha turlariga xos hujayralarni uchratish mumkin. Hujayra oraliq moddasida siyrak, turli yo’nalishda yotuvchi tolalar joylashadi. Hujayralararo modda ko’p bo’lgani uchun biriktiruvchi to’qimaning funksiyasi oraliq moddaning fizik, ximiyaviy xossalariga bog’liq.

Siyrak tolali biriktiruvchi to’qima kuchli regeneratsiya qobiliyati, yuqori plastik va adaptatsion imkoniyati bilan xarakterlanadi.

Siyrak tolali biriktiruvchi to’qima organizmning turli organ to’qimalari tarkibida bo’ladi va doimo qon tomirlar devori bo’ylab joylashadi. U biriktiruvchi to’qimaning boshqa turlari uchun ham xos bo’lgan trofik, himoya, plastik va adaptatsion imkoniyati bilan xarakterlidir. Barcha funksiyalar hujayralar va hujayralararo modda vositasida bajariladi.

Biriktiruvchi to’qima morfologiyasini o’rganish shu to’qimaning kasalliklarini va turli protsesslarga bo’lgan javobini tushunishga yordam beradi.