Asinxron mashinalari. Ularnig asosiy konstruktiv elementlari. Asinxron mashinasining ishlash prinsiplari, ularning asosiy ish rejimlari. Reja

Asinxron mashinalarning tuzilishi

Asinxron dvigatel' asosan ikki qismdan: ko’zg’almas qism stator va aylanuvchi qism rotor dan iborat. Stator dvigatel korpusi 1, asos 4, korpus ichiga o’rnatilgan ferromagnit o’zak 2 va shu o’zak pazlariga joylashtiriladigan uchta cho’lg’am 3 dan tashkil topgan.

Dvigatelning qo’zg’almas qismida podshipniklar o’rnatiladigan va ikki tomondan statorga maxkamlanadigan yon shchitlar ham bo’ladi. Stator ichiga o’rnatiladigan ferromagnit o’zak, uyurma toklarni kamaytirish maqsadida, qalinligi 0,35 . . . 0,5 mm li va maxsus elektrotexnika po’latidan (po’lat markasi: 2013, 2312, 2411 va hokazo) tayyorlangan yupqa plastinkalardan yig’iladi.

Stator po’lat o’zagining plastinkalari ma'lum shaklda (pazli) shtamplab tayyorlanadi. Stator po’lat o’zagining ayrim plastinkalari 2-rasm a da, 2-rasm, b da esa katta quvvatli mashinalar statori o’zagining ayrim segmentlari ko’rsatilgan. Plastinkalarning ikki tomoniga izolyasiyalovchi maxsus lok surtiladi. Plastinkalar ma'lum tartibda yig’iladi. Bunda statorning ichki sirtida valga parallel bo’lgan pazlar hosil bo’ladi. Bu pazlarga stator cho’lg’amlari joylashtiriladi.

O’zgaruvchan tok mashinalarining stator cho’lg’amlari, ularni xisoblash va o’rash usullari bilan oldingi bo’limda tanishdik. Stator pazlariga uchta stator cho’lg’ami joylashtiriladi. Cho’lg’amlarning bosh va oxirgi uchlari mashina korpusining yon yoki ust tomoniga o’rnatilgan klemmalar qutisiga chiqariladi. Stator chulg’amlarining bosh uchlari S1, S2, SZ bilan va oxirgi uchlari S4, S5, S6 bilan belgilanadi.

Stator cho’lg’amlari yulduz yoki uchburchak usulida ulanadi. Chulg’amlarni bunday usullarda ulash ushbu dvigatelni kiymati buyicha л/3 marta farq qiladigan ikki xil kuchlanishda (380/220 V yoki 220/127 V) ishlatishga imkon beradi. Ko’pincha asinxron dvigatel' 380/220 V kuchlanishga mo’ljallab tayyorlanadi. Agar tarmoq kuchlanishi 380 V bo’lsa, stator cho’lg’amlari yulduz usulida, tarmoq kuchlanishi 220 V bo’lsa, cho’lg’amlar uchburchak usulida ulanadi. Ishlatish davomida stator cho’lg’amlarini turli usulda ulashni osonlashtirish maqsadida klemmalar qutisida ayrim cho’lg’amlarning bosh va oxirgi uchlari ma'lum tartibda o’rnatiladi. 3-rasmda klemmalarni o’rnatish tartibi va cho’lg’amlarning ulanishi. ko’rsatilgan. Agar tarmoq kuchlanishi dvigatel pasportida ko’rsatilgan kuchlanishga mos kelmasa, bunday dvigatelni shu tarmoqqa ulab ishlatish mumkin emas.

Asinxron dvigatelning rotori uning statori ichiga o’rnatiladi. Rotor asosan val, ferromagnit o’zak va uning pazlariga joylashtirilgan qisqa tutashgan simlardan yoki uchta cho’lg’amdan

Ct