Қашқадарё вилоят суди раиси А. Махкамовга

Суд қарорларининг қисми ўзгаришсиз қолдирилган.
Судланган М.Муродовни шикояти қаноатлантирилмасдан қолдирилган.
Жабрланувчи А.Хакимов, Х.Маматкаримова ва ҳимоячи Ш.Хикматов, жабрланувчи Б.Казаковаларнинг шикояти қаноатлантирилган.
Ушбу ажримга нисбатан А.Худойбердиевни ҳимоячиси ва қонуний вакили М.Искандаров томонидан шикоят (назорат тартибида) киритилган.
Хусусан шикоятда:
“Апелляция ва назорат инстанциялари ҳам қайд этилган ҳолатларни ҳамда бу борада шикоятларда келтирилган, ўз хулосасига таъсир қилиши мумкин бўлган важларни тўлиқ текширмасдан М.Муродов ва Б.Қузиевларнинг ҳаракатларини тўғри квалификация қилиш учун муҳим бўлган мавжуд қарама-қаршиликларни бартараф этмасдан ва шикоятлардаги важларни рад этиш ҳолатларини асослантирмасдан, тарафларнинг ҳуқуқлари чекланишига йўл қўйиб, ҳукмни қисман ўзгартириш билан кифояланиб, хатога йўл қўйган” – деб ёзилган.
Олий судни 2020 йил 10 феврал кунги ажримида “Мазкур ҳукм билан Б.Қузиев ҳам судланган бўлиб, ҳукмнинг унга оид қисми муҳокама қилинмайди” деб ёзилиб, Б.Қузиевни ҳаракатлари муҳокама қилинмаган.
Демак Б.Қузиев арз қилмаган, чиқарилган ҳукмнинг ўзига тегишли қисми бўйича суд ҳукми ёки бошқа қарорлар устидан шикоят ёзмаган.
Бундай ҳолатда, ажрим чиқарилишида албатта Б.Қузиев ҳаракатлари муҳокама қилинмайди. Шунинг учун шикоятдаги Б.Қузиевни ҳаракатларини тўғри квалификация қилинганлиги, мавжуд қарама-қаршиликларни бартараф этиш масаласи ҳозирги суд мажлисида ҳам қолдирилади. Б.Қузиевни ёзган шикояти бўлмаса, ажрим чиқарилишида Б.Қузиевни қайси важлари асослантирилмасдан рад қилинган ёки қандай ҳуқуқлари чекланиб хатоликка йўл қўйилган.
М.Искандаровни ёзган шикоятидаги бу қисмини асоссиз деб ҳисоблаймиз.
Шикоятда энг кўп ёзилган Олий суднинг 28 сентябр кунги Раёсат қарори аслида биз жабрланувчилар А.Хакимов, Х.Маматкаримова ва Б.Казаковаларнинг назорат тартибида ёзган шикоятларимиз асосида Олий суд раиси ўринбосари Б.Деҳқоновнинг 2018 йил 28 август кунги РС-58-18-сонли протести асосида чиқарилган.
Аслида бу РС-58-18-сонли протест ва Олий судни РС-58-18-сонли Раёсат қарори Олий суднинг 2017 йил 21 декабрдаги ажримини бекор қилишга қаратилган. Чунки биз жабрланувчилар Олий суднинг 2017 йил 21 декабр кунги Олий судни чиқарган ажримидан норози бўлиб шикоятлар ёзиб ушбу ажримга нисбатан протест киритишни сўраган эдик.
2017 йил 21 декабр кунги ажримда:
Муродов Махмуджон ва Қузиев Бахром Юлдошевичга нисбатан жиноят ишлари бўйича Пахтакор туман судининг 2016 йил 14 ноябрдаги ҳукми ҳамда жиноят ишлари бўйича Тошкент вилоят суди апелляция инстанциясининг 2017 йил 3 октябр кунидаги ажрими ўзгартилисин.
Ҳукмнинг Жиззах шаҳар, Заргарлик маҳалласида жойлашган 19-уйнинг 1-хонадонини Р.Казаковга, Жиззах шаҳар, Жиззах шаҳри, Халқобод маҳалласи, Э.Худойқулов кўчасида жойлашган 40-уйни А.Хакимовга қайтариш ҳамда манфаатдор тарафларга етказилган моддий ва маънавий зарарларни ундириш бўйича фуқаролик тартибида судга даъво қўзғатиш ҳуқуқи борлигини тушунтириш ҳақидаги қисми бекор қилинсин.