Arxitektura qurilish instituti ijtimoiy fanlar kafedrasi

Qonunning birinchi moddasida ” O‘zbekiston Respublikasi o‘z tarkibidagi Qoraqalpog‘iston Respublikasi bilan birga,  mustaqil,  demokratik davlatdir”, - deb qonunlashtirib qo‘yildi. SHunday qilib, ushbu qonunda O‘zbekiston mustaqil demokratik davlat, deb e’lon qilindi, ma’muriy-hududiy tuzilishi, hokimiyat va boshqaruv idoralari tizimini mustaqil belgilash qonunlashtirildi. SHuningdek,  ushbu hujjatda O‘zbekistonning  Qoraqalpog‘iston Respublikasi bilan aloqalari xususida so‘z borib, O‘zbekiston  Qoraqalpog‘istonning hududiy yaxlitligini tan olishi haqida fikr yuritiladi, u O‘zbekistonning tarkibida ekanligi e’tirof etiladi.

Orol fojiasi – mustabid tuzumning mustamlakachilik siyosati, uning O‘zbekiston va O‘rta Osiyo mintaqasidagi boshqa respublikalarningtabiiy va hom ashyo resurslaridan noto‘g‘ri foydalanishi, mavjud suv zahirasi imkoniyatlaridan ortiq erlarning o‘zlashtirilishi, paxta yakkahokimligini izchillik bilan joriy etilishi, mintaqadagi tabiiy muvozananti izdan chiqishi oqibatida sodir bo‘lgan fojia. 1961-1991 yillarda dengiz hajmi 3 baravar qisqardi. 1980 yillarning boshlaridan dengizga suv kelishi deyarli  butunlay to‘xtab qoldi. Orol dengizining qurib borishi nafaqat Orolbo‘yi uchun ,balki Markaziy Osiyo uchun ham jiddiy xavf-xatar keltirib chiqardi.   

 “Kadrlar to‘dasi” – qayta qurish yillarida I.B.Usmonxo‘jaev boshchiligidagi  Respublika rahbariyatining ojizligi natijasida partiya, davlat va suhuquq tizimi rahbarlik organlariga Markazdan yuborilgan 400 dan ko‘proq  kadrlar. “Kadrlar to‘dasi” deb nom olgan  kelgindilar O‘zbekistonni o‘z bilganlaricha boshqardilar. O‘zbekiston Kompartiyasi va Respublika Ministrlar Soveti amalda ular tomonidan boshqarildi. Birinchi lavozimda o‘tirgan mahalliy kadrlar ularning qo‘lida qo‘g‘irchoq bo‘lib qoldi. YUrtimizga “qonun posbonlari” go‘yoki adolat o‘rnatish uchun kelgan “desatchi”lar tomonidan   qonunbuzarlik va jinoyatlar sodir etildi, milliy kadrlar keng qo‘lamda quvg‘in ostiga olindi.