Arxitektura qurilish instituti ijtimoiy fanlar kafedrasi

Diniy bag‘rikenglik (tolerantlik) – xilma-xil diniy e’tiqodda bo‘lgan kishilarning olijanob g‘oya va niyatlar yo‘lida hamkor va hamjihat bo‘lib yashashi, kishilik jamiyati ravnaqi yo‘lida xizmat qilishini anglatadi. Diniy bag‘rikenglik tinchlik va barqarorlikni mustahkamlash, ozod va obod Vatan qurishning muhim shartidir. .

 Hadis (arabcha – gap, suhbat) – Payg‘ambarimiz Muhammad alayhissalomning aytgan gaplari va qilgan ishlari haqida sahobalar – Payg‘ambarni ko‘rgan kishilar qilgan rivoyatlar. Ular odamlarni ezgulik o‘zaro hamjihatlik, birodarlik, adolatparvarlik kabi insoniy sifatlarga ega bo‘lishga chorlaydi. 

Komil inson – milliy istiqlol mafkurasining asosiy g‘oyalaridan biri. Komil inson g‘oyasi va uni amalga oshirishga bo‘lgan intilishlar insoniyat yivilizatsiyasining ma’no-mazmunini tashkil etadi.O‘zbekistonda komil insonni tarbiyalash davlat siyosatining eng muhim va ustuvor yo‘nalishi etib belgilangan.  

Bunyodkor (ijodkor) g‘oya – jamiyat va odamlarni, turli guruh va qatlamlarni, millat va davlatlarni taraqqiyot sari etaklovchi, xalqni ezgu maqsad yulida birgalikda harakat qilishga undovchi g‘oya. O‘zbekiston Respublikasi Prezidenti Islom Karimov tomonidan nazariy jihatdan asoslab berilgan tushuncha. 

Vayronkor (buzg‘unchi) g‘oya – bunyodkor g‘oyalarga zid bo‘lgan, yovuzlik va jaholatga xizmat qiladigan  g‘oyalar majmuini ifodalaydigan tushuncha. Vayronkor g‘oyalar inson va jamiyatni tubanlikka boshlaydigan, odamlarni g‘arazli niyat va qabix maqsadlarga undaydigan, xalqlar va davlatlarni tanazzul va halokatga mahkum etadigan g‘oyalar majmuidir. Milliy istiqlol g‘oyasi vayronkor (buzg‘unchi) g‘oyalarning har qanday ko‘rinishini keskin rad etadi.