Қарши давлат университетида коррупциявий хавф-хатарларни аниқлаш ва уларни бартараф этиш ҳамда коррупцияни олдини олиш борасида амалга оширилаётган ишлар тўғрисида

III. Талабалар билимини баҳолаш назорат қилиш тизимини такомиллаштириш мақсадида амалга оширилган ишлар.
2020/2021 ўқув йилида Якуний назоратларнинг 50 фоизи оғзаки, 36 фоизи ёзма усулда, яъни профессор-ўқитувчи ва талаба контакти бўйича ўтказилгани ҳолда атиги 14 фоиз Тест усулида ташкил этилган бўлса, 2021 йилда университетда амалга оширилган кенг кўламли бунёдкорлик ишлари натижасида янгидан таъмирланган ва тўлиқ замонавий ускуналар (компьютерлар, электрон доска, видео ёзиш ва совутиш тизимлари) билан жиҳозланган Рақамли таълим технологиялари бўлимида Имтиҳонлар маркази ташкил этилиши натижасида 2021/2022 ўқув йилида 86 фоиз Якуний назоратлар инсон омили четлаб ўтган ҳолда Тест усулида ўтказилмоқда.
Шунингдек, 2021/2022 ўқув йилидан бошлаб Ёзма усулда ташкил этилаётган Якуний назоратлар коррупцион хавф-хатарни олдини олиш мақсадидида тўлиқ ёзиб олиш учун мўлжалланган видео камералар ўрнатилган аудиторияларда дарс машғулотларинини олиб борган профессор-ўқитувчилар иштирокисиз ташкил этилмоқда. Мазкур имтиҳон жараёнлари университетда ташкил этилган Рақамли таълим маркази мутахассислари томонидан онлайн кузатув назоратида ташкил қилинган.
2021/2022 ўқув йили битирувчи талабаларининг Якуний давлат аттестацияси синовларини ҳам тўлиқ Имтиҳонлар марказида Тест усулида ўтказиш ва имтиҳон жараёнини шаффофлигини таъминлаш мақсадида бутунжаҳон интернет тизимида онлайн трансляция қилиш режалаштирилган.
Қарши давлат университетида 2021/2022 ўқув йилидан Ўқув-услубий жараёнларга рақамлаштириш жараёнларини тадбиқ этиш мақсадида HEMIS дастури жорий этилди. Ушбу дастур орқали фанларни ўзлаштириш ва баҳолаш жараёнларида профессор-ўқитувчи ва талабалар ўртасидаги муносабатда инсон омили аралашувини олди олинади. Шунингдек, талабалар ўқишини кўчириш, қайта тиклаш ва ўқишдан четлаштириш жараёнлари рақамлаштирилди. Дастур орқали талаба ва профессор-ўқитувчилар контингенти ва уларнинг ҳаракати тўғрисида аниқ маълумотга эга бўлиш имконияти яратилди.
Университетда профессор-ўқитувчиларнинг фаолиятини холис баҳолаш мақсадида электрон баҳолаш тизими ишлаб чиқилди ва дастур 2020/2021 ўқув йили якуни бўйича жорий этилади. Бу профессор-ўқитувчилар ва раҳбарият ўртасида коррупция, таниш-билишчилик, маҳаллийчилик, қариндош-уруғчилик ва бошқа шу каби салбий ҳолатларни олдини олишга хизмат қилади. Бу орқали штат бирликлари, ўқитувчиларни соатбай ва ўриндошлик асосида ишга жалб қилишда ҳам шаффофлик таъминланади.
Университет битирувчилари диплом олиш жараёнида сарсонгарчилик, сансалорлик турли коррупциоген ҳолатларга тушмасликлари учун уларга HEMIS ахборот тизими орқали дипломнинг электрон шаклини юклаб олиш имконияти яратилган бўлиб, дипломнинг аслини ўзларига қулай пайтда келиб олиб кетишлари мумкин.
Олий ва ўрта махсус таълим вазирининг 2021 йил 16 июлдаги 311-сонли буйруғига асосан Қарши давлат университетида 2021/2022 ўқув йилидан ўқитишнинг кредит-модул тизимини жорий этилган бўлиб, бу ўқитиш ва баҳолашда шаффофликни таъминлаш, турли хил таъмагирлик ва коррупцион омилларни олдини олишга хизмат қилади, Ўқитишнинг кредит-модул тизимида талабага ўзларинг қизиқишлари ва қобилиятларидан келиб чиқиб танлов фанларни ва профессор-ўқитувчиларни танлаш имконияти берилади.