Архитектура ва қурилиш факультети “Архитектура” йуналиши 3-курс 118, 218 гурухлари учун

Элементларни кетма-кет қуриш ва монтаж қилиш услубини танлаш
Бино оралиғининг узунаси бўйлаб таҳланган ҳамма конструкцияларни монтаж қилиш параметрларига асосан СКГ-30 крани билан монтаж қилиш мумкин. Устун ва кран ости тўсиннинг монтаж қилиш учун стрела узунлиги – 15 м. ли СКГ-25 крани билан четдан ҳамда ўртадан юриб монтаж қилиш мумкин. Агарда кран ости тўсинини алоҳида монтаж қилинса, унда кран МКГ-16 оралиқнинг четидан юриб монтаж қилинади. Юқорида кўрсатилган кранлар асосида 3 та вариантни кўриб чиқамиз.
I-вариант. /амма конструкцияларни стрела узунлиги – 20 м.ли СКГ – 30 крани билан оралиқнинг ўртасидан юриб монтаж қилиш (10-расм).
II-вариант. Устун ва кран ости тўсинини стрела узунлиги – 15м ли СКГ – 25 крани билан тўсин ва плиталарни эса СКГ-30 крани билан орлиқнинг ўртасидан юриб монтаж қилиш (11-расм).
III-вариант. СКГ-25 крани билан оралиқнинг ўртасидан юриб устунларни монтаж қилиш, кран ости тўсинларни, кран МКГ-16 билан оралиқнинг четидан юриб монтаж қилиш, тўсин ва плиталарни эса СКГ-30 крани билан оралиқ (пролет)нинг ўртасидан юриб монтаж қилиш (12-расм). Конструкцияларни монтаж қилиш учун аралаш 2 комплектли услубни қабул қиламиз.
Биринчи комплектга устунларни кранни биринчи ўтишда монтаж қилиш, иккинчи комплектга кран ости балкасини, тўсин ва плиталарни кранни иккинчи ўтишида монтаж қилиш ёки кран ости тўсинининг алоҳида монтаж қилиш, унда тўсин ва плитани монтажи 3 комплектга киради.


Назорат саволлари:

1. 
   Бинонинг ер устки қисмини монтаж қилишни тушунтириб беринг?
   
2. 
   Ишларнинг ҳажми қандай ҳисобланади?
   
3. 
   Бинонинг узунлиги қандай ҳисобланади?
   
4. 
   Ҳарорат чокларни тушунтириб беринг?
   
5. 
   Монтаж ишларининг ҳажмини ҳисоблаш?
   
6. 
   Устунлар (колонналар) қадами қандай ҳисобланади?
   

Машғулотнинг услубий таъминоти:

1. 
   Доц. Бозорбоев Н., доц. Норов Р.А., кат. ўқит. Хушназаров Б.Т. ва бошқалар. “Қурилиш ишлаб чиқариш технологияси” фанидан курс лойиҳаси ва малакавий битирув иши бўлимини бажариш учун услубий қўлланма. “Ғишт деворли кўп қаватли бинони қуриш технологияси” Т., 2005 й.
   
2. 
   Бозорбоев Н., Умурзоқов Э. “Қурилиш ишлаб чиқариш технологияси” фанидан амалий машғулотлар. Ўқув қўлланма. ТАҚИ, Т., 2005 й.
   
3. 
   ЯМваН тўпламлари (Сборники ЕНиР).