Aralashmasidan iborat hoʻl toʻyingan bug; namlik aralashmalaridan tozalangan quruq

---

Suv bugʻi
Suv bugʻi
— suvning gazeimon holati. Suvning suyuq holatdan gazeimon holatga oʻtishi
natijasida hosil boʻladi. Suv bugʻini: bugʻning muallaq holatdagi suv tomchilari bilan
aralashmasidan iborat hoʻl toʻyingan bug; namlik aralashmalaridan tozalangan quruq
toʻyingan bugʻ; muayyan bosimdagi toʻyinish temperaturasidan yuqori traga ega boʻlgan oʻta
qizdirilgan bugʻlarga ajratish mumkin. Bir xil bosimdagi toʻyingan bugʻ va oʻta qizdirilgan
bugʻlar tralarining farqi oʻta toʻyinganlik darajasi deb ataladi. Toʻyingan va oʻta qizdirilgan Suv
bugʻidan, xususan, bugʻ mashinalarida, bugʻ turbinalarida ish jismi, isitish tizimlarida issiklik
tashuvchi sifatida foydalaniladi. Kumir, neft, gaz kabi organik yoqilgʻilarning yonishida
ajraladigan issiklik, ogʻir elementlar yadrolarining boʻlinishida ajraladigan energiya hamda
elektr tokining oʻtishi natijasida vujudga keluvchi issikliklardan foydalanib bugʻ
generatorlarida Sb. hosil qilinadi. Zamonaviy katta bugʻ qozonlarining f.i.k. 95 foizgacha
yetadi. Odatda, katta masshtabli energetik inshootlarda quyidagi parametrlarga ega boʻlgan
Sb. ishlatiladi. Toʻyingan Suv bugʻining fizik xossalari faqat uning temperaturasiga bogʻliq.
Toʻyinmagan Suv bugʻining fizik xossalari esa uning temperaturasi va qanday bosim ostida
turganligiga bogʻliq. Ideal gaz va bosim nolga intilgan sharoitda Sb. uchun z birga teng . Tra
oʻzgarmas boʻlgan sharoitda bosimning 300 atm gacha ortib borishida z ning kamayishi
kuzatiladi. Bu kamayish toʻyinish sharoitiga yaqinlashganda juda kuchayib ketadi. Suv
bugʻining yopishqokligi, bosim oʻzgarmas boʻlgan sharoitdagi issiklik sigʻimi va issiklik
oʻtkazuvchanligi, bosimning kichik qiymatlarida tra koʻtarilishi bilan ortib boradi. Ammo
traning katta qiymatlarida bu bogʻlanishlar murakkab harakterga ega boʻladi. Bu maʼlumotlar
asosida bosim va traning juda keng diapazonlarida Suv bugʻining termodinamik xossalari
yoritilgan jadvallar tuzilgan.
Ko‘proq o‘rganish
Ushbu maqolada 
Oʻzbekiston milliy ensiklopediyasi
 (2000-2005)
maʼlumotlaridan foydalanilgan.

---

 
Soʻnggi tahrir 2 yillar avval
 
IluvatarBot
 tomonidan amalga oshirildi
Ushbu maqola 
chaladir
. Siz uni 
boyitib, (https://uz.wikipedia.org/w/index.php?title=Suv_bu
g%CA%BBi&action=edit)
 
Vikipediyaga
 yordam berishingiz mumkin.
 
Bu andozani 
aniqrogʻiga
almashtirish kerak.
"
https://uz.wikipedia.org/w/inde
x.php?
title=Suv_bug
ʻ
i&oldid=2053311
" 
dan olindi 

---