Қарақалпақ халық ертеклери

Кӛкнаршыға

Кеш болғанда берсең палаўын, Азанда берсең қалаўын,

Сӛйлете берсең Пирғаўын, Пирғаўын болған кӛкнаршы.

Кӛкнар деген қадақ-шерек, Дастурханда майлы шӛрек, Дүнья-мал саған не керек, Әрманың бар ма кӛкнаршы?

Кӛкнаршы қорасын бирлейди, Қарап отырып терлейди,

Бала-шағасы зирлейди, Нәзери бәлент кӛкнаршы.

Геўишим

Пашшайы жегдесин қыя жамылған, Ала ӛгизди алдына салып айдаған,

Шымбайдың жолында геўишим қалған, Кӛрсең билсең геўишимнен хабар бер.

Жолдас кӛрсем жолдасымды қыстар ем, Геўиш кӛрсем баслығынан услар ем,

Кӛрсем сени қойнымда сақлар ем, Енди кӛрсем болар сени геўишим.

Ӛтениң шоры

Алыстан кӛринген Шымбайдың моры, Ағарып кӛринген Ӛтениң шоры,

Табанлап алады ябының зоры, Арық-турық жолда қалды яранлар.

Базаршылар жүре алмайды еркине, Қатты жүрсе ылай тамар бӛркине, Намазлыгер түсип едим шетине,

Намазшамда зорға шықтым шетине.

***********************************

• 
  Ғарры деп күлипсең мениң ҳалыма, Ҳәр нешик етсеңиз қайылдур енди, Жигитпен дийер ем ӛз қыялыма, Аның ушын тойға келдим келинлер.
  

Мен де бурын сизлер яңлы жас едим, Жигит болып жигитлерге бас едим, Алла ӛмир берип узақ жасадым,

Кӛплердиң алғысын алдым келинлер.

Шеке-шеке ышқы дәртиниң дағыны, Ӛтирмишәм жигитликтиң шағыны,

Сизлер кӛрип сақалымның ағыны, Күлисерсиз анны кӛрип келинлер.

Дүньяның кӛп заўқы-сапасын сүрип, Ӛтирмишәм неше мәжилислер қурып, Неше гӛззаллардың жапасын кӛрип, Усыншама жасқа келдим келинлер.

Саийиди сизлерге майылдур енди, Бир хожа ашықдур саылдур енди, Ҳәр нешик етсеңиз қайылдур енди,

Сизлер менен заманласпыз келинлер.
*********************************** Нәгиҳандың жолым түсти,
Шул мақсымның қаласына, Жасы уллысын ҳүрмет етип, Сәлем бердим баласына.

Бир қаңлыға мийман болып, Ат байладым қорасына,

Келген жерим Пиржан болды, Қәтеремиз бир жжем болды.
Пиржан үйинде жоқ екен, Хызмет еткен Нуржан болды.