Bog'liq 11111 Веб сайтга маълумот Ҳар бир оила тадбиркор — копия
Навоий вилоятида “Ҳар бир оила-тадбиркор” давлат дастури доирасида жорий йилнинг 8 ойлик якуни бўйича амалга оширилган ишлар сарҳисоби. Ўзбекистон Республикаси Президентининг 2018 йил 7 июндаги "Хар бир оила тадбиркор дастурини амалга ошириш тўғрисида"ги ПҚ-3777-сонли, Ўзбекистон Республикаси Президентининг 2019 йил 7 мартдаги "Ҳудудларда аҳолини тадбиркорликка жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида"ги ПҚ-4231-сонли қарорлари қабул қилинган.
Ушбу қарорларни ижросини таъминлаш бўйича марказий банк, бандлик бошқармаси, молия бош бошқармаси ва уларнинг барча бўлимлари, шаҳар ва туман ҳокимлари, сектор рахбарлари ва барча иқтисодий комплекслар билан хамкорликда иш ташкил этиб келинмоқда.
Мазкур қарор ижроси бўйича 2020 йил 1 сентябрь ҳолатига вилоят Марказий банкининг маълумотларига асосан вилоят бўйича 6 525 та
162.585 млрд.сўмлик(шундан 1848 та эҳтиёжманд оилаларга жами
30.954 млрд.сўм) имтиёзли кредитлар ажратилди.
Ҳудудий молия бўлимлари томонидан марказлар, маҳаллий давлат ҳокимияти органлари, тегишли ташкилот ва идоралар, илмий муассасалар билан биргаликда “Оилавий тадбиркорликни ривожлантириш” йўналишида тарғибот ишларини амалга ошириб келинди. Мазкур йўналишда 16 мингдан ортиқ буклет ва флаерлар, 1.8 минг дона услубий кўрсатмалар тайёрланиб аҳолига, хусусан кам таъминланган хонадонларни уйига бирма-бир кириб тушунтириш ишларини амалга оширган ҳолда тарқатилди.
Шунингдек, 37 маротаба газеталарда ва 59 маротаба интернет веб сайтларида дастур мазмун моҳиятини тарғиб этувчи мақолалар жойлаштирилди.
Кам таъминланган оилаларнинг аҳоли томорқасига кўчатлар экилишини таъминлаш мақсадида шаҳар ва туманларнинг маҳаллий бюджети қўшимча манбалари ҳисобидан 172.5 млн.сўм маблағлар ажратилган.
Ажратилган маблағлар ҳисобидан 12 773 та мевали дарахтлар кўчатлари
181 минг сабзавот ва полиз кўчатлари ҳамда 12 000 кг сабзавот ва полиз уруғлари олиниб, ҳудудий молия органлари томонидан 2 610 нафар эхтиёжманд ва кам таъминланган оилаларга тарқатилди.
Аҳоли томорқа майдонларини суғориш таъминоти муаммоли бўлган ҳудудларда босқичма-босқич артезиан қудуқларни қазиш ишлари ва коллектор ариқларни тозалаш орқали сув таъминотини ва ернинг мелоратив ҳолатини яхшилаш учун молия бош бошқармаси томонидан барча зарурий чоралар кўрилмоқда.
Ҳусусан Навбаҳор ва Қизилтепа туманлари ҳокимликлари томонидан жами 116.8 млн,сўм маблағлар ажратилган бўлиб, мазкур маблағлар доирасида 40 та кам таъминланган оилаларга томорқа майдонидан самарали фойдаланиш мақсадида насос қурилмалари ўрнатиш ишлари амалга оширилди. Бугунги кунда ажратилган маблағлар доирасида 40 та насос қурилмалари ўрнатилиб фойдаланишга топширилган.