Ҳар қандай ҳудуднинг ижтимоий-иқтисодий тараққиёти ва аҳолининг ҳаёт даражасини кўтаришда транспортнинг ўрни ва моҳияти беқиёсдир. Транспорт моддий ишлаб чиқаришнинг муҳим тармоқларидан бири ҳисобланади

Ҳар қандай ҳудуднинг ижтимоий-иқтисодий тараққиёти ва аҳолининг ҳаёт даражасини кўтаришда транспортнинг ўрни ва моҳияти беқиёсдир. Транспорт моддий ишлаб чиқаришнинг муҳим тармоқларидан бири ҳисобланади. Унинг ривожланиш даражаси мамлакат иқтисодиётига, унда ишлаб чиқариш кучларининг жойлашиш ва ривожланишига бевосита таъсир кўрсатади.
Автомобил транспорти кичик сектори марказлашмаганлик юқори даражаси билан ажралиб туради: солиқ йигиш ва йўлларни бошкариш вазифалари тўлиқ паст даражадаги органларга юклатилган. Агар қўшимча тадбирлар қўлланилса, ишни бундай ташкил этиш хисоботнинг жиддий тизимини жорий этган бўлар эди. Барибир, автомобил транспорт кичик сектори баъзи бошқа функцияларининг етарли даражада ривожланган бўлишига қарамасдан фаолиятининг қатор асосий турлари тараққиёт учун мухимдир. Хусусан, йўл ишлари жабхасида ва транспорт сиёсатида хозирги холатни яхшилаш мумкин.
Йўл-қурилиш материаллари ва йўл ишларининг бажарилиш сифати умуман олганда айтарли даражада юқори эмас эди. Бу асосан, собиқ Иттифоқ даврида қурилиш компаниялари билан мижозлар ўртасида шартнома тузиш, сифатини назорат қилиш одат тусига кирмаганлиги бошкаришда вужудга келган камчиликдир. Шунинг учун юқори даражадаги дизайнерлик ишлари ва яхши табиий материаллар, йўл қопламалари сифати кутилганидан пастроқ бўларди.
Паст сифат ўз навбатида транспорт воситалари таъмири, хизмат кўрсатиши ва бошкаруви учун ортиқча харажатларни тақоза этади. Фондларнинг чегараланганлигини эътиборга олиб инфраструктура муаммоларини, бажарилаётган ишни қаттиқ назорат қилиб, хал этиш мумкин.
Секторнинг тарқоқ жойлашгани, шунингдек, марказнинг етарли даражада ахборотга эга бўлмаганлиги эътиборга олиниб давлат ўзининг транспорт сиёсатини назорат қилиш самарасини бугун керакли даражада олиб бора олмаяпти. Йўл холати, транспорт оқими, йўл хавфсизлиги, таъмирлаш ишларини ўз ичига олувчи транспорт жабҳасини бошқариш бўйича ахборот тўплаш системасини ҳаракатга келтириш катта аҳамиятга эга. Бир вақтнинг ўзида режалаштириш хизмати ишларини яхшилаш керак.
Бошқариш бўйича ахборотлар тизимини ҳаракатга келтириш учун марказий органлар замонавий жиҳозлар билан таъминланган бўлишлари керак (компютер техникаси, математик моделлар ва ҳ.к). Транспорт соҳасидаги илмий тадқиқотларни моддий ва маънавий қўллаш керак. Кўпчилик йўл қурилиш ишларини шартнома асосида хусусий секторларга бериш мумкин. Тажрибалар шуни кўрсатадики, Буюк Британияда давлат сектори доимо йўлни таъмирлашни ўз зиммасида қолдирган.