Apellyatsiya shikoyati

Ikkinchidan, Oʻzbekiston Respublikasi Vazirlar Mahkamasining 18.06.2021-yildagi 380-son “Fuqarolarning o‘zini o‘zi boshqarish organlari faoliyatini yanada takomillashtirish bo‘yicha qo‘shimcha chora-tadbirlar to‘g‘risida”gi Qarori bilan tasdiqlangan “Fuqarolar yig‘ini to‘g‘risida”gi Namunaviy Nizomning 41 bandida fuqarolar yigʻini raisining obodonlashtirish, tomorqa va tadbirkorlik masalalari boʻyicha oʻrinbosari oʻz zimmasiga yuklatilgan vazifalarni bajarish uchun bir-qator vakolatlar keltirilgan, ammo ular ichida o’rinbosar tomonidan fuqarolordan arizalarni qabul qilish va hujjatlarning to’liqligini tekshirish vazifalari ko’rsatib o’tilmagan. Shuningdek, Qarshi shahri “Batosh” MFY raisi N. Odilov tomonidan tasdiqlangan fuqarolar yigʻini raisining obodonlashtirish, tomorqa va tadbirkorlik masalalari boʻyicha oʻrinbosarining vazifalarida ham arizalarni qabul qilish yoki ushbu arizalarning hujjatlarini to’liqligini tekshirish majburiyati belgilanmagan. Binobarin, fuqaro A. Amanovadan ariza va hujjatlarni tekshirish va qabul qilish mening xizmat vakolatlarimga kirmagan.
Uchinchidan, O‘zbekiston Respublikasi 22.04.2013 yildagi O‘RQ-350-sonli “Fuqarolarning o‘zini o‘zi boshqarish organlari to‘g‘risida”gi Qonunining 14-moddasida fuqarolar yig‘ini raisining (oqsoqolining) vakolatlari keltirilgan, unga ko’ra, fuqarolar yig‘inining raisi (oqsoqoli) fuqarolarni qabul qilishni amalga oshiradi, ularning arizalari, takliflari va shikoyatlarini ko‘rib chiqadi. Ya’ni, fuqarolarning arizalarni qabul qilish fuqarolar yig‘ini raisining vakolatlar doirasiga kiradi.
To’rtinchidan, fuqarolar yig‘inining raisi N. Odilov fuqaro A. Amanovaning hujjatlari kamchiligiga qaramay uning arizasini qabul qilishni aytgan va ariza fuqarolar yig‘inining raisi topshirig’iga asosan qabul qilingan va Budjetdan tashqari pensiya jamg’armasiga yuborilgan.
Biroq sud, yuqoridagilarni inobatga olmasdan, notoʻgʻri xulosaga kelgan.
Ishni koʻrishda sud tomonidan O’zbekiston Respublikasi “Normativ-huquqiy hujjatlar to’g’risida”gi Qonunining 41-moddasi buzilib, Vazirlar Mahkamasining 21.10.2021 yildagi 654-sonli “Aholini ijtimoiy himoya qilish tizimini yanada takomillashtirish chora-tadbirlari toʻgʻrisida”gi Qarori, Oʻzbekiston Respublikasi Vazirlar Mahkamasining 18.06.2021-yildagi 380-sonli “Fuqarolarning o‘zini o‘zi boshqarish organlari faoliyatini yanada takomillashtirish bo‘yicha qo‘shimcha chora-tadbirlar to‘g‘risida”gi Qarori, O‘zbekiston Respublikasi 22.04.2013 yildagi O‘RQ-350-sonli “Fuqarolarning o‘zini o‘zi boshqarish organlari to‘g‘risida”gi Qonuni bir tomonlama ko‘rib chiqilgan va notoʻgʻri qoʻllanilgan.
O’zbekiston Respublikasi MjtKning 324¹ va 324³-moddalariga ko’ra, ma’muriy huquqbuzarlik to‘g‘risidagi ish yuzasidan o‘ziga nisbatan sudning qarori chiqarilgan shaxs, jabrlanuvchi, ularning qonuniy vakillari, advokat, shuningdek ma’muriy huquqbuzarlik to‘g‘risida bayonnoma tuzgan organ birinchi instansiya sudining qarori ustidan ushbu qaror o‘qib eshittirilgan kundan e’tiboran yigirma sutka ichida apellatsiya shikoyati berishga haqli.
MjtKning 321-moddasiga ko’ra, ma’muriy huquqbuzarlik to‘g‘risidagi ish yuzasidan chiqarilgan qarorni bekor qilish yoki o‘zgartirish uchun: organ (mansabdor shaxs) tomonidan ishni to‘liq bo‘lmagan holda yoki bir tomonlama ko‘rib chiqilishi; organ (mansabdor shaxs) hal qiluv qarorining va ushbu Kodeks Maxsus qismining qo‘llanilgan normalari va ma’muriy javobgarlik nazarda tutilgan boshqa normativ hujjatlar ishning faktik holatlariga mos kelmasligi; ma’muriy huquqbuzarliklar to‘g‘risidagi ishlarni yuritish qoidalarining jiddiy buzilishi; qo‘llanilgan ma’muriy jazoning adolatsizligi asos bo‘lib hisoblanadi.
Mazkur holatda, normativ hujjatlar ishning faktik holatlariga mos kelmasligi; ma’muriy huquqbuzarliklar to‘g‘risidagi ishlarni yuritish qoidalarining jiddiy buzilishi; qo‘llanilgan ma’muriy jazoning adolatsizligi asos bo‘lganligi sababli sud qarorini bekor qilish (oʻzgartirish) lozim boʻladi.
Yuqoridagilardan kelib chiqib,


SO’RAYMAN:
jinoyat ishlari bo’yicha Qarshi shahar sudining 11-fevral 2022-yildagi 3-1801-2202/696-sonli qarorini bekor qilishingizni va ish yuritishni tugatishingizni.


ILOVA:

1. Apellyatsiya shikoyati nusxalari.

2. Apellyatsiya shikoyatidagi vajlarini tasdiqlovchi, ilgari sudga taqdim qilinmagan boshqa hujjatlar.
Ish boʻyicha daʼvogar _________ Yuldasheva Y.U.


Sana