Apa, ıssı nannan birewin beriń, jep turayın, dedi Asqar

NAN ÁZIZ
Asqar degen balanıń anası appaq unnan iylep nan japtı. Qızarıp pisken nanlardı tandırdan alıp, sebetke sala basladı. Issı nannıń jaǵımlı iyisi ishteyin ashtı.
— Apa, ıssı nannan birewin beriń, jep turayın, — dedi Asqar.
— Házir nandı jawıp bolaman, keyin aǵań menen, hámmemiz birge otırıp shay ishemiz, sonda jeyseń, — dedi terlep ketken apası.
Asqar qabaǵın úydi hám anasına bildirmey sebetten bir nandı alıp, kóshege shıǵıp ketti. Ol nannıń yarımınan kóbiregin futbol oynap, juwırıp júrip jedi.