Анвар Бўронов Алишер Навоий номидаги Тошкент давлат ўзбек тили ва адабиёти университетимустақил тадқиқотчиси

Олтойча топонимлар	Ўзбек тилининг қипчоқ лаҳжасида
Ўзбек адабий тилида
Арқавул	Орқовул	Орқа овул
Жайлов	Жайлов	Яйлов
Жайилма	Жайилма	Ёйилиб ўрнашган овул
Жаланг	Жолонг	Бўш, ўт ўсмаган ер. Яланглик
Жалбақ	Жолпоқ	Ялпоқ
Жан	Жон	Ён, тараф
Тау	Тов	Тоғ
Тўқой	Тўғай	Тўқай
Тобо	Тўба	тепалик

Ҳар иккала тилда ҳам от, сифат, сон билан қўшилиб ёки уларнинг бирикувидан номлар ясалиши кузатилади: оқтош, қора булоқ, жетису ва бошқа. Шунингдек олтой тилида тана аъзолари иштирокида ҳам топонимлар ясалиши кузатилади. Мисол учун: Артибаш, Белбайли, Қарабурун.
Олтой топонимларида доим олтой тилларига хос бўлган агглютинатив хусусиятлар сақланиб қолган ва ҳеч қандай ҳолатда сўзларнинг ўзаклари ўзгармайди. Кўп ҳолатларда топоним ясовчи ўзак сўзнинг охирида келади. Мисол учун: Ақсу, Қараташ, Шўркўл, Бешағач..
Олтой тилида энг кўп топоним ясовчи чи, ли қўшимчалари билан ҳам топонимлар ясалади. Чиланчи, Чирақчи, Аюли, Ирғақли каби сўзлар ўзбек топонимларида ҳам айнан бир хилда қўлланилади.
Олтойлар “ватан” сўзи ўрнида “жер” ёки “жерим” сўзини ишлатишади. Жер(ватан) эса ўз ўрнида туған жер(туғилган ватан) ва журтаған жер(яшаган ватан)ларга ажралади. Олтой тилида ватандош, юртдош ўрнига “жерлик” ишлатилади. Яшамоқ эса “журтамоқ” шаклида келади. Мисол учун “Алп Манаш” достонида Бойбароқ ҳақида қўйидаги сўзлар келади.
Бар-чоқур атқа минген
Байбарақ дегеен баатир журтуду.⁹
Таржимаси:
Ола-чипор отга минган
Бойбароқ деган ботир яшади.
Олтой тили ва ўзбек тили қипчоқ лаҳжасининг бошқа қипчоқ диалектларидан фарқли жиҳатлари уларнинг талаффузида ҳам кўзга ташланади. Мисол учун қорақалпоқ ва қозоқ тилидаги қипчоқ-нўғай остгуруҳига хос бўлган сирғалувчи с ўрнига шипиллайдиган ш товушининг ишлатилиши ёки қоришиқ ч ўрнига оқувчи ш товушининг ишатилиши олтой тилида ҳам ҳам ўзбек тилининг қипчоқ лаҳжасида ҳам кузатилмайди.