Anorgul atajonova

qayerda?  so‘roqlariga  javob  bo‘lib,  -da  qo‘shimchasi  orqali  shakllanadi: 
uyda, bahorda, sovuqda.  
Chiqish  kelishigi  ish-harakatning  chiqish  nuqtasini  ifoda 
etadi.Chiqish  kelishigi  -dan  qo‘shimchasi  bilan  shakllanib,kimdan? 
Nimadan?  So‘rog‘iga  javob  bo‘lganda  vositali  to‘ldiruvchi  (Bobur 
Hindoldan  xat-savodni  qanchalik  o‘rganganini,  qanaqa  she’rlar  yod 
bilishini so‘radi. (P.Q.). U mashinasidan sakrab tushdi. (O‘.H.), qayerdan? 
so‘rog‘iga  javob  bo‘lganda  o‘rin  holi  (Toshkentdan  keldi.),  qachondan? 
so‘rog‘iga  javob  bo‘lganda  payt  holi  (Erta  tongdan  to  shomgacha  kitob 
mutolaasi bilan band bo‘ldi), ba’zan kesim vazifasida keladi: 
(Ishoning, so‘zlarim yurakdan) (O.)

---

 
96
99-mashq.  Gaplarni  o‘qing,  ajratib  ko‘rsatilgan  so‘zlar  qaysi 
kelishikda  va  qanday  shaklda  (belgili,  belgisiz)  qo‘llanganini  ayting. 
Kelishik qo‘shimchalari bilan qo‘llangan otlarni o‘zi bog‘langan so‘z bilan 
birga ko‘chiring. 
 
1. Tarix xotirasi, xalqning, jonajon o‘lkaning, davlatimiz hududining 
xolis  va  haqqoniy  tarixini  tiklash  milliy  o‘zlikni  anglashni,  ta’bir  joiz 
bo‘lsa,  milliy  iftixorni  tiklash  va  o‘stirish  jarayonida  g‘oyat  muhim  o‘rin 
tutadi  (I.K.).  2.  Eh,  siz  tog‘lar,  naqadar  ko‘rkam!  Sizga  berar  ilk  nurin 
quyosh  (A.Q.).  3.  Halol  mehnat  -  inson  qadr-qimmatining,  qalbi 
pokligining, farovonlikning mezoni (M.M.). 4. Yaxshi oshini yeydi, yomon 
boshini  (Maqol).  5.  Saylixon  shamadan  ko‘zin  uzmay  shivirladi  (S.A.).  
6.  Eh,  siz  tog‘lar,  dilrabo  tog‘lar,  yosh  qalbimni  maftun  etgansiz  (A.O.).  
7.  Ko‘zimda  aks  etar  sho‘x  olovli  ranglar,  ranglar  tinchim  oldi  bu  kun, 
onajon!  (H.X.).  8.Toju  taxtlar  qutqarmadi  qiynoqdan  mitti  jonni,  o‘z 
ko‘nglida tuyib o‘tdi jahonning bor firoqin. 9. Garchand aqli yoritsa ham 
yarim ro‘yi jahonni, yoqolmasdan o‘tgan kabi o‘z kulbasin chiroqin (H.X.) 
10.  Men  nechun  sevaman  O‘zbekistonni  Tuprog‘;in  ko‘zimga  aylab 
to‘tiyo.  11.  Sohibqiron  xayolini  qadam  tovushlari  buzdi  (X.D.).  12.  Fasli 
bahor vasli yora yolchimaganlar haqi, men bu kun sozimni sozlay bor orzu 
armon  oldida  (H.X.).  13.  Dunyoda  odamlarni  yaxshi  ko‘rishdan  ham 
kattaroq  baxt  yo‘q  (O‘.H.).  14.  Yong‘oq  shoxida  zag‘izg‘on  sayradi. 
(O‘.H.).