Anorgul atajonova

Bilib oling!  Ot,  sifat,  son  va  ravish  o‘rnida  qo‘llanadigan  so‘zlar 
turkumi  olmosh  deyiladi.  Olmoshlarning  o‘ziga  xos  bo‘lgan  so‘roqlari 
yo‘q. Olmosh ma’nosiga ko‘ra quyidagi turlarga bo‘linadi: 
1. Kishilik olmoshlari shaxsni bildiradi: men, sen, u, biz, siz, ular. 
Kishilik olmoshlari otlar kabi turlanadi. Men, sen olmoshlariga qaratqich, 
tushum  kelishigi  va  xoslikni  bildiruvchi  -niki  qo‘shimchasi  qo‘shilganda 
bir  n  tovushi  tushib  qoladi:  seni,  mening,  meniki.  U  kishilik  olmoshiga 
jo‘nalish,  o‘rin-payt,  chiqish  kelishigi  qo‘shimchalari  qo‘shilganda  bir  n 
tovushi orttiriladi: unda, unga, undan. 
2.  O‘zlik  olmoshi  shaxs  yoki  predmetning  tanholigini  bildirish 
uchun ishlatiladigan o‘z so‘zidir: o‘z uyi, o‘z akasi. O‘zlik olmoshi egalik 

---

 
115
qo‘shimchasini  olib,  har  uchala  shaxs  o‘rnida  ishlatiladi  va  kishilik 
olmoshlariga sinonim bo‘ladi: o‘zim - men, o‘zing - sen, o‘zi - u.  
3. Ko‘rsatish olmoshlari narsa-buyum va shaxsni ko‘rsatish uchun 
ishlatiladi: u, bu, shu, o‘sha, ana, mana, mana bu, ana shu, anovi.