Anorgul atajonova

 
106-mashq. Sifatlarni toping va darajalarini aniqlang. 
1.  Yonbosh  tomondagi  tik  ko‘tarilib  turgan  sip-silliq  cho‘qqi 
botayotgan quyosh nurida targ‘il alanga bo‘lib yonar, butun qishloq uning 
shafaqida  olovlanib  ko‘rinardi.  2.  Halimaning  katta-katta,  qop-qora 
ko‘zlari jiqqa yosh edi. 3. Halima yonginamda o‘tirib olib, o‘tlardan "ajina 
kavush"  to‘qir,  uzun-uzun  barmoqlarining  shunchalik  chaqqon  harakat 
qilishiga  hayron  qolardim.  4.  Shiftdagi  qog‘oz  qalpoq  kiygizilgan 
lampochkaning  xiragina  nuri  deraza  oynasiga  qo‘ngan  tomchilarda, 
tokchalardagi  atir  shishachalarda  jilolanadi.  5.  Bu  o‘zi  qachondan  buyon 
orzu  qilib  yurgan  to‘q  kulrang  palto  edi.  6.  Zamira  sarg‘ish  qoshlarini 
uchirib  qo‘ydi.  7.  Qizg‘ish  chiroq  yonib  turgan  simyog‘och  tagidagi 
skameykaga  o‘tirishdi.  8.  Suv  jimgina  oqar,  qop-qora  to‘lqinlar  ustida 
qirg‘oqdagi  chiroqlar  shodasining  aksi  silkinib  turardi.  9.  Aqlimni 
taniganimdan  keyin  bilsam,  men  shirin,  juda  shirin  tush  ko‘rayotgan 
ekanman-u,  To‘lash  bir  og‘iz  gapi  bilan  ustimdan  muzday  sovuq  suv 
qo‘yib uyg‘otib yuborgan ekan (O‘tkir Hoshimov).