Anorgul atajonova

SO‘Z YASALISHI 
 
Bilib oling! Tilda  oldin  mavjud  bo‘lgan  so‘zga  ma’lum 
yasovchi  vositalar  qo‘shish  bilan  yangi  so‘z  hosil  qilinishiga  so‘z 
yasalishi hodisasi deyiladi. 
So‘z  yasalishi  atamasi  ikki  ma’noda:  a)  so‘z  yasalishi  hodisasi 
ma’nosida  va  b)  so‘z  yasalishi  hodisasini  o‘rganuvchi  tilshunoslik 
bo‘limi ma’nosida qo‘llaniladi. 
 
 
SO‘Z YASALISHINING TUZILISHI 
 
78-mashq.  Ishchi, ishsiz, ishlamoq so‘zlaridagi  so‘z  yasovchi 
qo‘shimchalarni toping. Ulardagi umumiy holatlarni izohlang. 
 
Bilib oling! So‘z yasalishi hodisasi o‘zining ichki tuzilishiga ega 
bo‘ladi  va  ikkita  tarkibiy  qismni  o‘z  ichiga  oladi:  a)  yasashga  asos 
qism;  b) yasovchi  vosita.  Yasashga  asos  qism  bilan  yasovchi  vosita 
birgalikda  yasalmani  tashkil  qiladi.  Masalan,  terim  so‘zida  ter  qismi 
yasashga  asos,  -im  qismi  yasovchi  vosita,  ikkala  qismning 
qo‘shilishidan  hosil  bo‘lgan  hosila  esa  –  terim  yasalma  hisoblanadi. 
Terimchi so‘zida esa terim yasashga asos qism, -chi yasovchi vosita, 
terimchi esa yasalma sanaladi.