Anorgul atajonova

Ustoz otangdan ulug‘
" mavzusida 10 - 12 ta gapdan iborat ijodiy 
matn tuzing. 
2. Ijodiy ishingizda sifatdoshlardan foydalaning. 
3.  Matnda  ishtirok  etgan  sifatdoshlarning  zamonini  va  gapdagi 
vazifasini aniqlang. 
 

---

 
140
RAVISHDOSH 
 
131-mashq.
  Matnni  o‘qing.  Ravishdoshlarni  topib,  gapdagi 
vazifasini  ayting.  Sumalak  taomining  yuzaga  kelish  tarixi  haqida  yana 
qanday rivoyatlarni bilasiz?  
  
Sumalak – ko‘klam mo‘jizasi 
 
Qadim zamonlarda bir kambag‘al ayol yashagan ekan. Uning Hasan-
Husan degan o‘g‘illari ham bo‘lib, ular hali juda ham yosh ekan. Ayolning 
topgan-tutgani  qishligiga  zo‘rg‘a  yetib,  bir  amallab  ko‘klamga  chiqib 
olibdilar.  Uylarida  yegulik  hech  narsalari  qolmabdi.  Ikki  norasidaning 
qorni  ochib,  non  so‘rab  zor-zor  yig‘lashlarini  ko‘rib,  onaizor  chidab 
turolmabdi. Ona bechora nima qilarini bilmay, o‘choq boshiga boribdi-da: 
– Bolalarim, birpasgina o‘ynab o‘tiringlar, men hozir sizlarga ovqat 
pishirib  beraman,  –  deb  qozonga  suv  solib,  tagiga  o‘t  qalabdi.  So‘ngra 
dalaga chiqib, o‘tgan yilgi bug‘doypoyadan bug‘doy tomirlarini, endigina 
nish ura boshlagan har xil o‘t-o‘lanlardan terib kelib, yaxshilab yuvibdi-da, 
qozonga  solibdi.  Suprasini  qoqishtirgan  ekan,  bir-ikki  kaft  un-urvoq 
chiqibdi, unni ham qozonga tashlab qaynataveribdi. Kovlayotganda ovozi 
chiqib, bilinib tursin uchun besh-oltita toshchalarni yuvib qozonga solibdi-
da, cho‘mich bilan aylantiraveribdi. Har aylantirganda toshchalar sharaqlab 
ovoz  chiqarar,  buni  eshitgan  Hasan  bilan  Husan  "onamiz  bizga  ovqat 
pishiryaptilar",  –  deb  suyunishib,  o‘ynay  boshlashibdi.  Tun  yarmidan 
oqqanda  bolalar  o‘ynay-o‘ynay  charchab,  oxiri  uxlab  qolibdilar.  Ona 
bo‘lsa,  qozonni  kovlashdan  to‘xtamay,  ko‘z  yoshi  shashqator  bo‘lib, 
tangriga iltijo qilibdi: 
–  "Ey  xudo.  Shu  pishirayotgan  ovqatimga  nazar  tashla.  Ikki 
norasidaning rizqini o‘zing etkaz, shirinligingni ato qilgin. Biz g‘ariblardan 
marhamatingni darig‘ tutma".  
Tongga yaqin ona ham kovlashdan charchab, qozonning qopqog‘ini 
yaxshilab  yopib,  dimlabdi-da,  bolalarining  yoniga  yonboshlab  uyquga 
ketibdi.  Ertalab  bolalarining  shovqinidan  uyg‘onib  qolib  qarasa,  Hasan-
Husanlari  qozonga  qo‘lchalarini  tiqib,  nimanidir  yalashayotganmish. 
Mo‘jiza  ro‘y  berganidan  ko‘zlariga  ishonmagan  onaizorning  o‘zi  ham 
jimjilogi bilan qozondagi taomdan yalab ko‘rsa, shirin narsa ekan. Shunda 
bolalari: 
– Ona, bu ovqatingizning nomi nima? – deb so‘rashibdi. Ona qozon 
to‘la qizg‘ish shirinlikni bolalari tez-tez yalayotganlariga qarab turib: 
–  Bolalarim,  bu  maloyikalarning  karomati  bilan  pishdi.  Uning  oti 
simalak, – debdi. 

---

 
141
Bu  so‘z  keyinchalik  "sumalak"  bo‘lib  o‘zgarib  ketgan  ekan.  Hatto 
hozir ham keksa onaxonlarimiz va piru badavlat otaxonlar sumalakni tatib 
ko‘rishdan  oldin  "qani,  Hasan-Husanlarning  taomidan  yalaylik",  –  deb 
avval  jimjiloqlari  bilan  yalashadi.  Sumalak  pishirish  udumi  ana  shundan 
kelib chiqqan ekan. 
("Navro‘z" to‘plamidan) 
 
Bilib oling!
  Ravishdosh  ish-harakat,  holatning  belgisini  bildiradi. 
Ravishdosh  fe’lga  bog‘lanib,  gapda  ko‘pincha  kesim,  ba’zan  hol  bo‘lib 
keladi.  (
Bilmayin bosdim tikanni
  -  hol. 
Ishning boshi boshlanguncha
  - 
kesim.) 
Ravishdoshlar  bo‘lishli  -  bo‘lishsizlik,  nisbatni  bildira  oladi:  aytib  - 
bo‘lishli, aniq nisbatda, yozdirmay - bo‘lishsiz, orttirma nisbatda. 
Ravishdosh ma’noga ko‘ra quyidagi turlarga bo‘linadi: 
1.