Anorgul atajonova

8.  Mustaqil  ma’no  anglatmaydigan  so‘zlar  to‘g‘ri  ko‘rsatilgan 
qatorni belgilang. 
A) ona, keldi, bog‘lamoq, bilan, uchun, biroq.; 
B) kabi, yanglig‘, bilan, va, ammo, axir; 
C) faqat, hatto,goh-goh, kurash, dam-dam, sayin; 
D) hatto, tezroq, yangicha, hattoki, kino, qadar. 
 
Mavzuni o‘zlashtirish uchun mustaqil topshiriq 
 
"
Bizning  mahallamiz
"  mavzuida  matn  tuzing.  Mustaqil  so‘zlarni 
tartib bilan yozib, qaysi so‘roqqa javob bo‘lganini ayting. 
 
 
OT SO‘Z TURKUMI 
 
 
Bilib oling!
  Predmetlik  ma’nosini  ifodalaydigan  so‘zlar  turkumi 
ot 
deyiladi. Ot kim? (ota, aka, Gulnoza, singil), nima? (suv, gul, tosh), qayer? 
(maktab, dala, ko‘cha) so‘roqlariga javob bo‘ladi. 
Predmetlik  ma’nosi  tirik  mavjudotlar  (kishi,  qush,  chumoli,  asalari 
kabi), yer va osmonga oid narsalar (yer, quyosh, tog‘, daryo, tuproq kabi), 
o‘’simliklar (paxta, gul, arpa kabi), voqea- hodisa, xususiyat va munosabat 
(to‘y,  yig‘in,  kurash,  shodlik,  muhabbat,  samimiyat  kabi),  o‘rin  va  vaqt 
(yoz, bahor, joy, pastlik) kabilarning nomini ifoda qiluvchi so‘zlarni o‘zida 
birlashtiradi. 
Ot  egalik  va  kelishik  qo‘shimchalari  bilan  qo‘llanadi,  birlik  va 
ko‘plikda ishlatiladi: kitob - kitobim - kitoblar - kitoblarni. 
Ba’zi  otlarga  egalik  qo‘shimchalari  qo‘shilganda  so‘z  o‘zagida 
o‘zgarish  ro‘y  beradi:  o‘rtoq  -  o‘rtog‘ing,  og‘iz  –  og‘zi,  o‘rin  -  o‘rnim, 
singil - singlim… 
Otlar  gapda  ega,  kesim,  aniqlovchi,  to‘ldiruvchi,  hol,  shuningdek, 
undalma bo‘lib keladi.