Anor seleksiyasi va navshunostligi

1. O‘quv fani o‘qitilishi bo‘yicha uslubiy ko‘rsatmalar.

Ushbu o`quv fani anor va boshqa meva-rezavor ekinlarining yangi nav va duragaylarini yaratish, bunda foydalaniladigan usul-amallar, selektsiya yutuqlarining bozor iqtisodiyoti sharoitida raqobatbardosh bo`lishini ta’minlash, yaratilgan nav va duragaylarning ko`chat va urug`larini ishlab chiqarish hamda ko`chatlar sifatini yaxshilash masalalarini qamraydi.

2. O‘quv fanning maqsad va vazifasi
Anor va meva-rezavor ekinlari selektsiyasi va navshunosligining tub mohiyati, hozirgi ahvoli va rivojlantirish istiqbollari bilan tanishtirish, yangi mahsuldor, yuqori hosil beruvchi navlarni yaratish usullari va urug` hosildorligini oshirishning samarali yo`llarini o`rganishga qaratish. Fanning vazifasi – talabani ushbu fan bo`yicha olgan nazariy va amaliy bilimlarini birituv ishlarini bajarish bilan real sharoitiga qo`llash bo`yicha ko`nikmalar hosil qilishdir.
Fan bo`yicha talabalarning bilimiga, ko`nikma va malakasiga qo`yiladigan talablar
“Anor selektsiyasi va navshunosligi” o`quv fanini o`zlashtirish jarayonida amalga oshiriladigan masalalar doirasida talaba:

• 
  Anor va meva-rezavor ekinlari turlari va navlari to`g`risida; chatishtirish: oddiy, pog`onali, ikki marotaba, teskari; duragaylash va uning moxiyati; mutagenez, poliploidiya, geterozis va populyatsiyalar; ko`chatchilik va ko`chat yetishtirishni bilish kerak;
  
• 
  mutagen omillar ta’siri; tashqi muhit, agrotexnika ta’siri; navlarni yaxshilash, xosildorligini oshirish; ko`chatlar sifatini yaxshilash va anorni o`simligini xosildorligini oshirish ko`nikmalarga ega bo`lishi kerak;
  
• 
  selektsiya jarayonini tashkil etishni; otalik va onalik o`simliklarini tanlash va gullarni kastratsiya qilishni; sun’iy changlashni; ko`chatlarni parvarishlashni; ko`chatlarni vegetativ belgilari bo`yicha tanlashni; duragaylar va urug`li o`simliklarda aprobatsiyani; ko`chatlarda xisoblash va xujjatlashtirishni bilish malakalarga ega bo`lishi kerak.
  

3. Ma’ruza mashg‘ulotlari