«anor bank» aj «Stimul Layt» aksiyasini o‘tkazish qoidalari «anor bank»

2. Umumiy qoidalar
2.1. Aksiya ommaviy oferta shartlarida o‘tkaziladigan rag‘batlantiruvchi chora-tadbir 
hisoblanadi, u (mazkur Qoida bilan belgilangan shartlarga rioya qilinganda) aksiyada ishtirok 
etish davrida Mijoz tomonidan tanlangan Xizmatlar paketiga qarab mikroqarz shartnomasining 
asosiy shartlaridan farq qiladigan shartlarda kreditlash shartlarini qo‘llashni nazarda tutadi. 
2.2. Aksiya qoidalari Aksiya o‘tkazishning butun davri mobaynida Saytda hamda boshqa 
ochiq manbalarda (Bankning tanlovi bo‘yicha) joylashtiriladi. 
2.3. Aksiya o‘tkazilishini yakunlash sanasi: nazarda tutilmagan, muddatsiz. Shu o‘rinda, 
Bank Saytda ma’lumotni joylashtirib, uni istagan paytida bekor qilishi yoki to‘xtatib turishi 
mumkin. 
2.4. Aksiya Bankning "Daqiqalarda" kredit mahsulotiga qo‘llaniladi. 
2.5. Mazkur Qoidalarning qo‘llanilishi Mikroqarz taqdim etilishining majburiy sharti 
hisoblanmaydi. 
3. Aksiyani o‘tkazish qoidalari

---

3.1. Aksiyada Aksiya shartlariga rozilik bergan (ixtiyoriy ravishda) va Aksiya doirasida 
Xizmatlar paketidan bittasini tanlagan Mijozlar ishtirok etadi.
3.2. Xizmatlar paketi mazkur Qoidalarning 6-bo‘limiga muvofiq taqdim etiladi. Xizmatlar 
paketiga ulanish uchun Bank Tariflariga muvofiq to‘lov undiriladi. 
3.3. Xizmatlar paketi ulanish sanasidan boshlab butun hisob-kitob davrida amal qiladi. 
Tanlangan Xizmatlar paketi uchun to‘lovni hisoblash va to‘lash quyidagi tartibda amalga oshiriladi:
3.3.1. Komissiya Hisob-kitob davrining boshida hisoblanadi; 
3.3.2.Hisoblangan komissiyani so‘ndirish sanasi Mikroqarz bo‘yicha to‘lov sanasidan 
kechikmagan kunda belgilanadi; 
3.3.3. Agar komissiyani so‘ndirish sanasi bank ish kuni bo‘lmasa, unda so‘ndirish keyingi bank 
ish kuniga o‘tkaziladi. 
3.4. Aksiyada Mijozning ishtirok etishi u ushbu Qoidalarga to‘liq rozi bo‘lganligini anglatadi. 
3.5. Mijoz Xizmatlar paketini tanlash yo‘li bilan Aksiyada ishtirok etadi, u Aksiya Qoidalari 
bilan tanishib chiqqanligini va rozi ekanligini tasdiqlaydi. 
3.6.Agar Mijoz taqdim etilgan to‘plam doirasida xizmatlardan foydalanishni davom etsa, 
to‘plam bo‘yicha xizmat ko‘rsatish avtomatik tarzda uzaytiriladi.
3.7.Agar Xizmatlar paketini xarid qilish bo‘yicha navbatdagi sana kelgan kunda Mijoz 
Xizmatlar paketi bo‘yicha xizmatlardan foydalanmasa, unda amaldagi Xizmatlar paketi faqat 
Mijozning arizasi bo‘yicha uzaytiriladi. 
3.8. Mijoz birdaniga bittadan ortiq Xizmatlar paketini tanlashga va foydalanishga haqli.
3.9. Mijoz Bankka tegishli murojaatni yo‘llab, Aksiyada ishtirok etishdan voz kechishi 
mumkin. 
3.10. Bank Mijozning murojaatini ko‘rib chiqadi, shu jumladan, Mijozning Aksiyada ishtirok 
etishi bilan bog‘liq nizolar vujudga kelganda ham, hamda Mijozga murojaat ko‘rib chiqilishining 
natijalari borasidagi axborotni, shu jumladan, Mijozning talabi bo‘yicha yozma ravishda, bunday 
murojaatlar olingan kundan boshlab 5 (besh) kalendar kunidan oshmagan muddatda taqdim etadi.
3.11. Mijoz aksiyada ishtirok etishdan voz kechganda taqdim etilgan Mikroqarz bo‘yicha 
mahsulotning shartnomada nazarda tutilgan asosiy shartlari qo‘llaniladi. 
3.12. Quyidagi hollarda Bank Aksiya va tanlangan Xizmatlar paketi bo‘yicha xizmatlarni 
taqdim etishni rad etib, kreditlashning asosiy shartlarini qo‘llashi mumkin: 
3.12.1. qarzdor tomonidan bank komissiyasi va/yoki Mikroqarz to‘lovlari bo‘yicha 60 (oltmish) 
kalendar kunidan ortig‘iga muddati o‘tib ketgan qarzdorlikka yo‘l qo‘yilganida;
3.12.2. agar Mikroqarzning yakuniy muddatidagi kun oxirida Mikroqarz bo‘yicha 
so‘ndirilmagan qarzdorlik bo‘lsa; 
3.12.3. ulangan Xizmatlar paketi doirasida berilgan Mikroqarz bo‘yicha qarzdor tomonidan 
majburiyatlar buzilganda; 
3.12.4. Aksiya o‘tkazish sanasida yoki davrida Bankning istalgan kredit mahsuloti bo‘yicha 
Bankda qarzdorning muddati o‘tib ketgan qarzdorligini mavjudligida/yo‘l qo‘yilganida. 
3.13. Aksiyaga Qo‘shilish/Voz kechish mijoz tomonidan shaxsan imzolangan arizalar shaklida 
(1-Ilova), SMS-xabarni tasdiqlash yo‘li bilan yoki Bank tomonidan taklif etilgan boshqa usulda 
rasmiylashtiriladi.