Annotatsiya. «O’zbekiston tarixi» bo’yicha tayyorlagan ma’ruza matnlari fanning barcha ma’lumotlarini o’z ichiga qamrab olgan. O’quvchilarning tarix sohasidagi bilimlarini shakillantirishga qaratilgan

1937-yilgi O’zbekiston SSR Konstitutsiyasining qabul qilinishi

komsomol komitetlari, sexlarda komsomol tashkilotlari-ni qaytadan tashkil etish partiya yacheykalarini qayta tuzish qoidalariga muvofiq o’tkazildi. Insonlarning butun hayoti, ularning o’y-fikrlari asta-sekin majburiy, zo’ra-vonlik yo’li bilan yangi jamiyat qurish g’oyasini amalga oshirishga qaratildi, haddan tashqari tig’iz va uddalab bo’lmaydigan besh yilliklar topshiriqlarini bajarishga bo’ysundirildi.

1924-yilgi SSSR Konstitutsiyasi qabul qilinganidan so’ng 10 yildan ortiq vaqt o’tdi. Ma'muriy-buyruqboz-lik tizimi va partiyaning yakkahokimligi ta'sirini qonuniy mustahkamlaydigan yangi Konstitutsiyani qabul qilish zarur deb topildi.

1936-yil noyabrida SSSR Sovetlarining favqulodda VIII qurultoyi chaqirildi, u yangi Konstitutsiyani qabul qildi. Mana shu Konstitutsiya asosida O’zSSRning yangi Konstitutsiyasi ishlab chiqildi, 1937-yil fevral oyida respublika Sovetlarining favqulodda VI qurultoyi bu Konstitutsiyani tasdiqladi.

Yangi Konstitutsiyaga muvofiq 1938-yil 25-iyunda Oliy Sovetga saylovlar bo’lib o’tdi. Uning I sessiyasi o’zSSR Oliy Soveti Prezidiumini sayladi va respublika Xalq Komissarlari Sovetini tuzdi. 1939-yil 29-dekabrda mahalliy Sovetlarga saylovlar o’tkazildi. Shu bilan res-publika davlat hokimiyati organlarini qayta qurish amal-da tugallandi.

Oliy Sovet Prezidiumining 1941-yil 6-martdagi farmoniga muvofiq Andijon, Namangan viloyatlari tuzildi. Xo’jalik xalq komissarliklari ustidan rahbarlikni mus-tahkamlash maqsadida 1940-yilning sentabr oyida O’zSSR Xalq Komissarlari Soveti qoshida Iqtisodiy ken-gash tashkil etildi. o’sha oyning o’zida Davlat nazorati xalq komissarligi tashkil etildi, uning vazifalari davlat mablag’lari va moddiy boyliklarini hisobga olib borish va sarflash ustidan qattiq nazorat o’rnatish, shuningdek, hukumat qarorlarining ijrosini tekshirishdan iborat edi.

Bolsheviklar partiyasi muntazam ravishda olib borgan targ’ibot tufayli Sovet Ittifoqining yakka-yu yagona rahbari bo’lib olgan LStalinning shaxsiga sig’inish tobora kuchaydi. Natijada shaxsga sig’inish mafkurasi vujudga keldi va u millionlab ommani qullik asoraji ostida ush-lab turishga muvaffaq bo’la oldi. O’zbekiston SSRning yangi Konstitutsiyasi amalda totalitar rejimning asoslarini qonun yo’li bilan yanada mustahkamladi, shaxs erkinligi, inson huquqlari va boshqa demokratik prinsiplar qog’ozda e'tirof qilinsa-da, aslida unga rioya qilinmadi.