Annotaciya

Dárya edi seniń ıqlasıń-
ómirimniń girdikarların
aģın suwı juwıp ótedi.
Dárya edi seniń ıqlasıń-
iyriminde bul qudirettiń
menmenlikten halas bolaman.[4.96]
Uyqı joq kesheleri-
may iship ózimdi jubattım,
basqa jubanıshım joq edi.
Uyqı joq kesheleri-
túndi qaraladım,
boyawlar kóp edi kewlimde.
Uyqı joq kesheleri-
hújdanımdı qıynadım-
basqası kelmedi qolımnan. [4.100]
S.Ibragimov shıǵarmalarında hárbir tákirar ózine tán emociyanı payda etip kelgen hám shayır óz dóretiwshiliginde hár qıylı tákirarlardı paydalanǵan. Sonıń menen birge sóz, sóz dizbegi hám gáp kórinisindegi tákirarlar insan tuyǵı-sezimlerin, ishki keshirmelerin, waqıya hám qubılıslarǵa adamlardıń subyektiv qatnasın poetikalıq tárizde sáwlelendiredi. Ayrıqsha, predmetlerdi salıstırıw, olarǵa metoforalıq usıl menen konteksttegi mazmunına qosımsha máni júklew hám filosofiyalıq pikirlerdi insan bolmısına baylanıstırıp súwretlew S.Ibragimov dóretiwshiliginiń ózine tán stili.
Sonday-aq, bul tákirarlanǵan elementler gáplerdiń sintaksislik qurılısında áhmiyetli orın iyelewi tákirar menen birge sintaksislik parallelizmnıń payda bolınıwına da xizmet etip tur. Sintaksislik jaqtan parallel elementler ırǵaqlıq jaqtan parallel poziciyadan orın iyelep, jeke qollanıwdaǵı formadan tıs qosıq qatarındaǵı emociya hám máni bir qansha kúsheytip beriledi.
Mine, bunday tákirar konstrukciyalardıń S.Ibragimov shıǵarmalarında poetikalıq qural bolıwı menen qatar, qaraqalpaq ádebiy tilindegi poetikalıq sóz dizbeginiń sóz saplawdaǵı ózine tánligin de belgilep beredi hám bul - til biliminde poetikalıq sintaksistiń rawajlanıwına túrtki boları anıq.

PAYDALANÍLǴAN ÁDEBIYATLAR

1. 
   Ахметов.С., Есенов.Ж., Жәримбетов.Қ. Әдебияттаныỳ атамаларыныӊ орысша-қарақалпақша тусиндирме сөзлиги.Нөкис, Билим.1994
   
2. 
   Абдиназимов Ш, Лингвопоэтика (оқыў қолланба) ҚМУ; Нөкис;2019
   
3. 
   Dosımbetova.A. Ádebiyatta kórkemlew quralları.2017
   
4. 
   Ибрагимов С. Таңламалы қосықлар.- Нөкис, «Билим», 2016
   
5. 
   Ибрагимов С.Бесинши мәўсим.- Нөкис, «Билим», 1986