“Анжанда рўмолга қарши уруш эълон қилишган шекилли. Избоскан туманидаги мактаб ўқитувчиларининг ёзишича уларга ҳам ё рўмолни ечасан ё ариза ёзасан дейишганмуш.”

Жорий йилнинг 28 март куни ижтимоий тармоқларда “Анжанда рўмолга қарши уруш эълон қилишган шекилли. Избоскан туманидаги мактаб ўқитувчиларининг ёзишича уларга ҳам ё рўмолни ечасан ё ариза ёзасан дейишганмуш.” мавзусидаги хабар юзасидан Избоскан туман халқ таълими бўлимининг муносабати.

Ўзбекистон Республикаси халқ таълими вазирлигининг 2020 йил 28 майдаги “Умумий ўрта таълим муассасасининг ички тартиб ва одоб-ахлоқ қоидалари” тўғрисидаги 131-сон буйруғи ҳамда Ўзбекистон Республикаси Вазирлар Маҳкамасининг 2018 йил 15 августдаги “Давлат умумий ўрта таълим муассасаларида ўқувчиларни замонавий ягона мактаб формаси билан таъминлаш чора-тадбирлари тўғрисида”ги 666-сон қарори ижроси бўйича Избоскан туман халқ таълими бўлими умумий ўрта таълим мактабларида ишлар ташкил этилаётганлигини, юқорида келтирилган хабар бўйича туман халқ таълими бўлими ноқонуний ёки норасмий иш ташкил этмаганлигини маълум қиламиз.

Эслатма: Агарда мактабингизда рахбарият томонидан иш фаолиятингизга таълуқли бўлмаган ҳамда ноқонуний ишларга жалб қилиш ҳолатлари бўлса туман халқ таълими бўлимининг ишонч телефони (74-312-25-78) рақамларига ёки @izbinspektor_bot га юборишингизни сўраб қолардик.
Избоскан туман ҳалқ таълими бўлими
МАТБУОТ ҲИЗМАТИ.