Anguage and literature til va adabiyot

Avlodlar merosini o‘rganaylik”. Aslida esa “Ajdodlar 

merosini o‘rganaylik” tarzida aytilishi va yozilishi lozim. 

Shuningdek, o‘quvchilarimiz paronim so‘zlarni qo‘llash-

da ham ba’zan yanglishadilar. Shuning uchun ham 

yozma ishlardan so‘ng, albatta, bir soat dars yozma ish 

tahliliga ajratilishi maqsadga muvofiq. 

---

18

e-mail: [e-mail]

2020-yil 1-son

Metodik tavsiya

2. Quyidagi holatlar imloviy xatolar hisoblanadi:

a) so‘zlar imlo qoidasiga binoan yozilmasa: 

x va h 

undoshli so‘zlar, 

u va o‘ unlilar ishtirok etgan so‘zlarni 

bir-biri bilan almashtirib yuborish yoki so‘zlarda jarangli 

va jarangsiz undoshlarni almashtirib yozish qo‘pol im-

loviy xato hisoblanadi;

b) juft so‘zlarni yozishda chiziqcha (-) qo‘ymaslik;

d) chiziqcha bilan ajratib yoziladigan yuklamalar 

so‘zlardan ajratilmay yozilishi: bo‘lsada – bo‘lsa-da; 

keldiyu – keldi-yu; borginchi – borgin-chi; aytdimku – 

aytdim-ku; oldimu – oldim-u va hokazo; 

e) qo‘shma so‘zlar imlosiga amal qilmaslik: uch tepa – 

so‘z birikmasi; Uchtepa – joy nomi, qo‘shma so‘z; oq 

qush – oppoq qush, so‘z birikmasi; oqqush – qush 

nomi, qo‘shma so‘z;

f) bosh harf bilan yoziladigan so‘zlar imlosiga 

amal qilmaslik: ism, familiya, taxallus, joy nomlari, 

suv havzalari nomlari bosh harf bilan yozilmasa: rus-

tam – Rustam, cho‘lpon – Cho‘lpon, samarqand – 

Samarqand, sirdaryo – Sirdaryo;

g) qo‘shtirnoq bilan yoziladigan so‘zlarda qo‘shtirnoq 

tushirib qoldirilsa:

 O‘tkan kunlar romani – “O‘tkan kun-

lar” romani, Umid firmasi – “Umid” firmasi, Gulxan jur-

nali – “Gulxan” jurnali, Anata konfeti – “Anata” konfeti 

va hokazo;

h) so‘zlarda tutuq belgisi tushirib qoldirilsa:

 davo – 

shifo; da’vo – arz; qala – o‘tni (olovni) qala (kovla); qal’a – 

baland, mustahkam qurilgan inshoot;

i)  ng, sh, ch harf birikmalari satrdan satrga ajratib 

ko‘chirilsa:

 jaran-gdor – jarang-dor; pes-hayvon – pesh-

ayvon; soc-hildi – so-childi.