Andijon viloyati jalaquduq tumani xalq ta’limi bo’limi mudirining buyrug'i umumiy o‘rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to‘g‘risida

ANDIJON VILOYATI JALAQUDUQ TUMANI XALQ TA’LIMI BO’LIMI MUDIRINING BUYRUG'I
Umumiy o‘rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to‘g‘risida
Umumiy o‘rta ta’lim muassasalari o‘quvchilarining yoshi va psixofiziologik xususiyatlarini inobatga olgan holda, ularning ongiga umuminsoniy qadriyatlar va yuksak ma’naviyatni yanada chuqur singdirish, ularni vatanparvarlik va insonparvarlik ruhida tarbiyalash, umumiy o‘rta ta’lim muassasalaridagi ma’naviy- tarbiyaviy ishlarni yangicha asosda tashkil etish hamda O’zbekiston Respublikasi Vazirlar Mahkamasining 2020-yil 6-iyuldagi “Umumiy o‘rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to‘g‘risida”gi 422-son qarori, Xalq ta’limi vazirining 2020-yil 10-iyuldagi “Umumiy o‘rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to‘g‘risida”gi 161-sonli buyrug‘i ijrosini ta’minlash maqsadida buyuraman:

1. 
   Xalq ta’limi vazirining 2020-yil 10-iyuldagi 161-son, Andijon viloyati xalq ta’limi boshqarma boshlig’ning 2020–yil 22-iyuldagi 76-sonli “Umumiy o‘rta ta’lim muassasalarida “Tarbiya” fanini bosqichma-bosqich amaliyotga joriy etish chora-tadbirlari to‘g‘risida”gi buyrug‘lari rahbarlik va ijro uchun qabul qilinsin.
   

2. 
   O’quv tarbiya jarayonini metodik xizmat ko‘rsatish bo’limi ijtimoiy fanlar metodisti U.Sulaymonovaga;
   

-yangi o‘quv yili boshlangunga qadar “Tarbiya” fani bo‘yicha tayyorlangan o‘quv dasturlari va darsliklar asosida umumta’lim maktablaridagi “Boshlang‘ich ta’lim”, “Milliy g‘oya va huquq”, “Tarix” va “Dinshunoslik” mutaxassisligiga ega fan o‘qituvchilari tomonidan “Tarbiya” fanidan “kasbiy rivojlantirish” loyihasi doirasida onlayn shaklda videodarslarni kuzatib borishlarini ta’minlash;

-2020-yildan boshlab viloyat xalq ta’limi xodimlarini qayta tayyorlash va ularning malakasini oshirish hududiy markazida tashkil etiladigan “Tarbiya” fanidan dars beradigan fan o‘qituvchilarini malaka oshirish kurslariga yuborish;
-1-9-sinf “Tarbiya” darsliklari va o‘quv-metodik majmualarini 2020-yil iyul-avgust oylarida, 10-11-sinf “Tarbiya” darsliklari va o‘quv-metodik majmualarini 2021-yil iyun-iyul oylarida malaka oshirish kurslari davomida tajriba-sinovdan o‘tkazish ishlarida faol ishtirok etish vazifalari yuklatilsin.

3. 
   Jalaquduq tumani matbuot kotibi E.G’anievga “Tarbiya” fanini joriy etish bilan bog‘liq jarayonlarni ommaviy axborot vositalari va ijtimoiy tarmoqlarda keng yoritib borish yuklatilsin.
   

4. 
   Mazkur buyruqning ijrosini nazorat qilish tuman xalq ta’limi bo’limi mudiri o’rinbosari M.G’iyozov zimmasiga yuklatilsin.
   

Jalaquduq tuman xalq

ta’limi bo’limi mudiri: аслига тўғри M.Iminov

23 iyul 2020 yil

61-son