Андижон шаҳар ҳокими Б. Хайдаровга

Андижон шаҳар ҳокими
Б.Хайдаровга
Андижон шаҳар 3-сон касб-ҳунар мактаби директори
Х.Б.Қўчқаровдан
ВИЖДОН ХАТИ
Ўзбекистон Республикаси Президенти раислигида 2022 йил 28 январ куни мактаб таълимини ривожлантириш масалалари юзасидан ўтказилган видеоселекторда мактаблардаги таълим сифати ва мазмунига кескин баҳо берилди. Таълим тарбия келажак ҳаёт мамот масаласи экани қаёд этилди.
“Нажот таълимда, нажот тарбияда, нажот билимда”. “Биз буни чуқур англаган ҳолда кечиктиришга ҳаққимиз йўқ” – деди Президент ўз сўзларида.
“Очиқчасига айтсак тақдиримиз муаллимлар қўлида, энди бизга сифатли таълим тизими ва Ватанпарварлик руҳи билан тараққиёт стратегиясини бажарувчи бошқарувчилик ва лидерлик қобилиятига эга мактаб директорлари ва салоҳиятли муаллимлар керак, чунки халқимизнинг ҳар бир оиланинг келажаги мактабга боғлиқдир”.
Мен Халқимизнинг келажаги бўлган азиз фарзандларимизнинг билими ва тарбиясига масъул шахс, таълим масканининг раҳбари сифатида юқоридаги фикрларни чин дилимдан маъқуллайман ва бу борада ўз фикрларимни билдириб ўтмоқчиман.

• 
  Ҳозирда бизга белгилаб берилган таълим стандартлари ва ўқув дастурларининг фақат назарий билимлар беришга йўналганлиги, бир-бирларини такрорловчи, зерикарли ва муҳим бўлмаган мавзуларнинг кўплиги;
  
• 
  Ўқувчиларда мантиқий фикрлашга ва амалий кўникмалар ҳосил қилишга ундовчи ўқув дастурларнинг етарли эмаслиги “ Ўн марта эшитгандан, бир марта кўрган афзал”;
  
• 
  Ўқувчилар ҳаётлари давомида керак бўладиган барча кўникмаларни мактабда ўрганиб боришлари, ўз қўллари билан бажаришлари лозимлигини инобатга олган ҳолда умумтаълим мактаб маъмурияти касб-ҳунар мактабларига ўқувчиларни жалб қилиб бериши;
  
• 
  Касб-ҳунар мактабларида моддий техника базасини етарли даражада эканлиги яъни замонавий касб ҳунарлар ўргатиш учун зарур жиҳозлар билан таъминланганлигини инобатга олган ҳолда умумтаълим мактаблари ва касб-ҳунар мактаблари ҳамкорликда ишлашлари зарур.
  

Юқорида айтиб ўтилган шарт шароитларни яратилиши таълим сифатини кўтарилишига ёрдам беаради, лекни ўқитувчи ўз устида мунтазам ишламаса, янгиликка интилмаса ҳеч қандай ўзгариш бўлмайди.
Таълим муассасамизда 2022 йил 250 нафар битирувчи бўлиб, улардан 145 нафар ўқувчи аниқ иш жойига эга, 64 нафар ўқувчи Олий таълимга кириш истагини билдирган, 41 нафар ўқувчи келажаги учун бир фикрга келмаган. Хозирда бу ўқувчилар устида ишлаяпмиз.
Ўқувчиларни Ватанпарварлик руҳида тарбиялаш мақсадида турли тўгараклар ташкил этилган. Булардан фан тўгараклари, спорт тўгараклари, касбга йўналтирувчи тўгараклар.
Видеоселекторда кўтарилган масалаларнинг мазмун моҳиятини педагог муаллимлар ўртасида ўрганиш ва ҳар бир педагокнинг ўз фаолиятини тубдан ўзгартиришга бор имконияти ва билимларини Ватан равнақи, Юрт келажаги бўлмиш ёш авлодни билимли, салоҳиятли замон талабларига мос этиб тарбиялашга эришамиз.
Касб-ҳунар мактаби таълимини ислоҳ қилиш Республика кенгашининг тузилиши, таълимни Давлат даражасида ислоҳ қилиши ва бу кенгашга шахсан Президентнинг раҳбарлик қилиши янги Ўзбекистонда – янги таълим майдонга чиқаётганидан дарак беради. Биз шу жарённинг фаол иштирокчиси сифатида камарбаста бўламиз.

Андижон шаҳар 3-сон касб-

ҳунар мактаби директори: Х.Б.Қўчқаров