Andijon mashinasozlik instituti mashinasozlik texnologiyasi kafedrasi

Босимни ўлчаш асбоблари қуйидагича таснифланади:
I. Ишлаш принципи бўйича:

1. 
   суюқликли;
   
2. 
   деформацион (пружинали);
   
3. 
   юк поршенли;
   
4. 
   электр.
   

II. Ўлчанаётган босим қийматига қараб:

1. 
   Манометрлар;
   
2. 
   Вакуумметрлар;
   
3. 
   Моновакуумметрлар;
   
4. 
   Напорамерлар;
   
5. 
   Тягомерлар;
   
6. 
   Тягонапорамерлар;
   
7. 
   Барометрлар;
   
8. 
   Дифференциал манометрлар.
   

СУЮҚЛИКЛИ МАНОМЕТРЛАР
Ушбу ўлчов асбобларининг ишлаши ўлчанаётган босимни маълум бир баландликдаги суюқлик устуни босими билан мувозанатланишига асосланган.
Суюқликли шиша манометрлар асосан лаборатория шароитларида ўлчашга қўлланилади. Саноатда камдан кам қўлланилади. U-симон, идишчали, эгилган трубкали идишчали, колоколли ва ҳалқали турлари мавжуд.
Икки трубали U-симон шиша манометри
Бу ўлчов асбобларида ўлчанаётган босим суюқлик устуни босими билан мувозанатланиб, суюқлик устуни баландлиги бўйича аниқланади (рисм.5).
P= (ρ - ρ_c)gh = ρgh - ρ_с gh
Бу ерда, g = 9,80665 м/сек², ўртача эркин тушиш тезланиши;
ρ и ρ_с – U-симон шиша манометридаги суюқлик зичлиги ва бу суюқлик тепасидаги мухит зичлиги;
h – мувозанатловчи суюқлик устуни баландлиги.
Агар, ρ ››ρ_c лигини ҳисобга олсак, унда ёзиш мумкин,
P = ρgh ёки Р = kh

P₁ = P_б + ρgh; P₂=P_б+P_изб,

Мувозанат холатида Р₁=Р₂ лигини ҳисобга олинса, унда
P_б+ρgh = P_б+P_изб
P_изб = ρgh =ρg(h₁+h₂)
Бу манометрларнинг камчилиги икки ўлчамлилиги ҳисобланади.
Ўлчаш чегараси 0,2 МПа. Ўлчаш хатолиги 2 мм суюқлик устуни бўлиши мумкин. Ишчи суюқлик сифатида симоб, дистирланган сув ва спирт ишлатилиши мумкин.

Расм.33.