Andijon mashinasozlik instituti ―gumanitar fanlar‖ kafedrasi ―O‘zbekiston tarixi‖ fanidan

Buxoroi sharif (SHarofatli Buxoro) — qadimgi Buxoroning keng tarqalgan nomlaridan biri. O‘rta asrlarda jahondagi 7 shahar: Makka, Madina, Quddus, Buxoro, Bog‘dod, Damashq, Mozori SHarifga diniy markaz sifatida shuxrai qozonganligi uchun ―SHarif‖ unvoni berilgan. Buxoro islom dini, musulmon ahloqi, madaniyati va huquqshunosligi sharqdagi eng kuchli markazlardan birita aylanishi tufayli unga IX asr boshlaridayoq ―Qubbat ul-islom‖ — ―Islom dinining gumbazi‖ degan sifat ham berilgan.

Buxoro xalq sovet respublikasi (BXSR) — Buxora amirligida amir hokimiyati ag‘darilgach, 1920 yil 2 sentyabrda bolьsheviklar andozasida tashkil etilgan Respublika. 1921 yil sentyabrь oyida BXSR Konstitutsiyasi qabul qilindi. BXSRda keng ijtimoiy-iqtisodiy va siyosiy islohotlar amalga oshirila boshlandi. Lekin bu islohotlar mavjud ijtamoiy-siyosiy vaziyatdan kelib chiqib emas, balki Moskva- bolьsheviklari andozasi va ko‘rsatmasi asosida ko‘r-ko‘rona amalga oshirilgani bois, aksariyat hollarda teskari natijalarni berdi. BXSR 1924-25 yillarda Turkistonda o‘tkazilgan ma‘muriy-hududiy davlat chegaralanishi munosabati bilan tugatilib, yangi tashkil etilgan O‘zbekiston Sovet sotsialistik Respublikasi tarkibiga kiritildi.