Andijon davlat universituti qoshidagi pedagogika instituti

O’zbekiston Respublikasi Oliy attestatsiya komissiyasining doktorlik dissertatsiyalari asosiy ilmiy natijalarini chop etish tavsiya etilgan ilmiy nashrlar RO’YXATI deb ataluvchi ro’yxat tashkil etilgan bo’lib, bu ro’yxat ilmiy tadqiqotchining ilmiy tadqiqot ishi natijalarini ommaga xavola etishda vositachi bo’lib xizmat qiladi. Tadqiqotchi, ya’ni biror mavzuda ilmiy tadqiqot ishini yozayotgan magist o’z tadqiqot ishi natijalari bo’yicha maqolalarni o’zining mutaxasisligiga mos OAK ro’yxatida bo’lgan ilmiy jurnallarda havola etish maqsadga muvofiq xisoblanadi. Chunki, ushbu jurnallar bevosita shu sohaga oid bo’lgan muammolar ustida mulohazalar yuritiladi. Aynan shu soha bo’yicha mutaxasislar Referent xisoblanadi.
O’zbekiston Respublikasida biror ilmiy darajaga da’vogarlik qilishda nafaqat OAK tomonidan e’tirof etilgan jurnallar, shuningdek, Webof Science va Scopus ma’lumotlar bazalari tomonidan indeksatsiya qilingan xorijiy jurnallarda ilmiy maqolalar chop ettirish talab etiladi. Magistrlar ham tadqiqot mavzusi, tadqiqot ishi natijalarini xorijiy konferentsiya va ilmiy jurnallarda chop etib borishsa ularning tadqiqot ishining tezroq ommalashishi va oprabattsiyadan o’tishiga xizmat qiladi. Albatta yuqorida ta’kidlanganidek magistrlar uchun xorijiy jurnallarda tadqiqot ishiga doir maqolalarni chop ettirish majburiy hisoblanmaydi.
Albatta ilmiy tadqiqot olib borayotgan magistr ilmiy maqola yozishshi uchun ilmiy maqolalarga qo’yiladigan talablar, maqolalarni shakllantirishga kerakli ma’lumotlarni izlash va ularni tahlil qilish, yozish va chop etish tartibi, OAK ro’yxatiga kirgan jurnallar va ularda chop etishga qo’yiladigan davlat talablarini bilishi kerak.
Ilmiy maqolalar asosan mutaxasislik sohasidan kelib chiqib OAK tomonidan e’tirof etilgan ilmiy jurnallarda nashr qilinadi. Albatta har bir ilmiy jurnalning o’z talablari bo’ladi. Ilmiy jurnal tahririyati tomonidan qo’yilgan talablar asosida ilmiy maqola jurnal tahriyatiga qog’oz yoki elektron shaklda taqdim etiladi.