Таълим сифатини назорат қилиш бўлими ва Ўқув- услубий бошқарма ҳамкорлигида ҳар бир профессор-ўқитувчи кесимида тегишли гуруҳларда семестр якуни бўйича талабалар ўртасида электрон платформа орқали сўровнома ўтказилади.
Сўровномада профессор-ўқитувчилар 10 та мезон асосида ҳар бир мезон бўйича 1-10 баллгача баҳоланади.
Сўровнома натижасида тўпланган балл профессор- ўқитувчига ушбу бандда белгиланган мезон бўйича баҳолашга асос бўлади.
Профессор-ўқитувчиларни баҳолашда 10 та мезон бўйича олинган баллнинг жами қўшилади ҳамда 10 га бўлинади.
5.
Ўқув жараёнига амалиётчи ходимларнинг жалб қилинганлиги ёки сайёр дарс машғулотлар ўтказилганлиги
олти ой
0-2
Ўтказилган мастер-класслар ва сайёр дарс машғулотлар тегишли режалар ва уларнинг ўтказилганлигини тасдиқловчи ҳужжатлар асосида тегишли факультет томонидан аниқланади.
Ҳар бир ўтказиладиган мастер-класс ёки сайёр дарс машғулоти учун 0.5 балл берилади, бунда олти ой давомида тўпланадиган энг юқори балл 2 ни ташкил этади.
Профессор-ўқитувчиларнинг хорижий тилларни эгаллаганлиги Ходимлар бўлими томонидан қуйидаги тартибда аниқланади ва баҳоланади: инглиз тили учун – B2 ва ундан юқори даражадаги миллий сертификат ёки International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE халқаро имтиҳон тизимлари бўйича тилни билиш даражалари B2 ва ундан юқори; немис тили учун – B2 ва ундан юқори даражадаги миллий сертификат ёки GoetheZertifikat, Deutsches Sprachdiplom (DSD), Test Deutsch als Fremdsprache (Test DAF) халқаро имтиҳон тизимлари бўйича тилни билиш даражалари B2 ва ундан юқори; француз тили учун – B2 ва ундан юқори даражадаги миллий сертификат ёки Diplôme d'Etudes en Langue Française (DELF), Тest de Connaissance du Français (TCF) халқаро имтиҳон тизимлари бўйича тилни билиш даражалари B2 ва ундан юқори;
япон тили учун – B2 ва ундан юқори даражадаги миллий сертификат ёки Japanese Language Proficiency Test (JLPT № 2) халқаро имтиҳон тизимлари бўйича тилни билиш даражалари B2 ва ундан юқори; бошқа тиллар учун – B2 ва ундан юқори даражадаги миллий сертификат ёки халқаро имтиҳон тизимлари бўйича тилни билиш даражалари B2 ва ундан юқори.
Хорижий олий таълим муассасаларини (инглиз, француз, немис ва япон тилларида ўқиган) тамомлаб, да фаолият олиб бораётган профессор- ўқитувчиларга ушбу бандда назарда тутилган энг юқори балл берилади.
Изоҳ: Хорижий тиллар кафедраси профессор-ўқитувчилари ушбу банддаги баллни олиши учун С1 ва унга тенглаштирилган сертификат талаб этилади. Ҳамда TOLES (Test Of Legal English Skills)нинг Higher ёки Advanced даражасига эга бўлиши талаб этилади.