Андижон давлат университети зиёитдинов жахонгир норбоевич

Тадқиқот объекти моно- ва поликристалл кремний асосидаги фотосезгир p-n-структураларнинг температура ўзгариши шароитидаги асосий фотоэлектрик характеристикаларидан иборат.
Тадқиқотнинг предмети температура ўзгариши шароитидаги моно- ва поликристалл кремний асосидаги қуёш элементларининг чиқиш характеристикаларига заряд ташувчиларнинг кинетик параметрлари ва яримўтказгичли p-n-структуралар бошланғич хоссаларининг таъсир қилиш механизмларидан иборат.
Тадқиқотнинг усуллари сифатида "PVlighthouse", "Sеntаurus ТCАD", "Comsol Мultiphysics", "C#9.0" дастурий таъминот тизимлари ва "Sinton Instrument WСТ-120" ва "Sinton Intrument Suns-Vоc", "Edibon-Photovoltaic" экспериментал лаборатория ўлчов тизимлари асосида рақамли асбоб-технологик моделлаштириш усуллари, бундан ташқари “STGraphs”, “STTemperature” дастурий маҳсулотларидан фойдаланилган.
Тадқиқотнинг илмий янгилиги қуйидагилардан иборат:
турли бошланғич легирлаш даражасига (10¹⁴ ÷ 10¹⁸ см^-3) эга бўлган кремнийнинг электр ўтказувчанлигини, заряд ташувчилари кинетик параметрларини, тақиқланган зона кенглигини ва p-n-структураларнинг фотоэлектрик параметрларини 250 ÷ 350 К температуралар оралиғидаги атроф мухит температурасига боғлиқ ўзгаришларининг комплекс номограммалари ишлаб чиқилган;
биринчи марта яримўтказгичлар физикаси назарияси доирасида талқин қилинган кремнийли структураларининг эмиттер ва база қатламларидаги электрон ва коваклар эффектив массасининг температурага боғлиқлик қонуниятлари аниқланган;
температура ўзгарганида замонавий кремнийли фотоэлектрик p-n структуралар ВАХи ва унинг асосий фотоэлектрик параметрларининг ўзгариш хусусиятлари аниқланди ҳамда рақамли ҳисоблаш усуллари ва бажарилган тажрибалар бўйича олинган маълумотларнинг қониқарли ўзаро мувофиқлиги аниқланган;
эмиттер сохасига киритилган шакли, ўлчами, тақсимот зичлиги ва тури бўйича оптимал параметрга эга бўлган металл нанозарраларни кремнийли p-n структуранинг температуравий характеристикаларига таъсирининг физик табиати аниқланган;
янги техник ечимлар ёрдамида сув конвекцияси ва унинг диффузион буғланиш иссиқлиги ҳисобига кремнийли фотоэлектрик энергия ўзгартиргичларнинг мақбул эксплуатация температурасини аниқлаш усули таклиф қилинган ва илмий асосланган.