Andijon davlat universiteti umumiy pedagogika kafedrasi ijtimoiy pedagogika

Muammo (asosiy va kichik muammolar)	Yechim
Natija

Keys №2. Seminar mashg‘ulotlarini tashkil etish
Hammamizga yaxshi ma’lumki, oliy ta’limda seminar mashg‘ulotlari talabalarda o‘rganilgan materiallarni mustahkamlash, ko‘nikma va malakalarni tarkib toptirishda muhim ahamiyatga ega. Seminar mashg‘ulotlarini o‘tkazilish tartibiga e’tibor qarataylik. Odatda, seminar mashg‘ulotlarini assistent o‘qituvchilar olib borishadi. Seminar mashg‘ulotlarini ham tashkil etishda xilma-xil yondashuv mavjud. Ba’zi professor-o‘qituvchilar mashg‘ulot jarayonida tayyorlanib kelgan talabalardan so‘raydi, ularni baholab qo‘yish bilan cheklanadi. Kimdir ommaviy tarzda savol-javob o‘tkazish orqali maqsadga erishishga harakat qiladi. Biroq reyting tizimi qoidasiga ko‘ra, har bir seminar mashg‘ulotida talabalarning bilimini tekshirib, belgilangan mezon doirasida hammaning ball olishiga erishish lozim. Lekin ko‘pchilik o‘qituvchilar bunga erishish imkoniyati yo‘q, deb hisoblashadi. Ayrimlar esa talabalar yozib kelgan konspekt va faolliklariga asoslangan holda ball qo‘yib berish mumkin, deb hisoblashadi.
Vaziyatni baholash uchun savollar: Seminar mashg‘ulotlarini assistent o‘qituvchilar samarali tashkil etmoqdalar deyish mumkinmi? Seminar mashg‘ulotini tashkil etish samaradorligini oshirish uchun nima qilish kerak? Seminar mashg‘ulotlarida kutilgan natijaga erishish maqsadida ishni qanday tarzda tashkil etish maqsadga muvofiq? Seminar mashg‘ulotlarida talabalarning hammasini baholashga qanday erishish mumkin?
Vaziyatni o‘rganish va vaziyatni baholashga doir savollarni tahlil etish asosida mavjud seminar mashg‘ulotlarini o‘tkazish yuzasidan SWOT-tahlilni amalga oshiring.