Andijon davlat universiteti maktabgacha pedagogika kafedrasi maktabgacha pedagogika

Ta’lim tizimini boshqarish.
Mazkur o‘quv yurtida bolalarlar ta’lim standartlari asosida ta’lim olish uchun intilishlari, ta’lim muassasasining pedagogik xodimlari esa yuqori darajada ta’lim berishlari, ta’lim oluvchilarning o‘quv dasturlarini davlat ta’lim standartlari darajasida o‘zlashtirishlarini ta’minlashlari zarur. Ta’lim muassasasi tarbiyachisi (direktori) esa o‘quv-tarbiya jarayonining muvaffaqiyatli kechishini ta’min etadi, o‘quv dasturlari talablarining bajarilishini nazorat qiladi, ta’lim-tarbiya ishlarining sifati va samaradorligi, bolalik va mehnatni muhofaza qilish talablariga to‘laqonli rioya etilishi, ma’naviyat ishlarining samarali tashkil qilinishi uchun zarur shart-sharoitlarni yaratadi.

Ustavda o‘z-o‘zini boshqarish, jamoada o‘zaro munosabatning o‘rnini kabi masalalar mohiyati ham yoritib beriladi. Chunonchi, ta’lim muassasasining direktori tarbiyachilar bilan baland ovozda, ularning nafsoniyatiga tegadigan so‘zlar bilan muomala qilish huquqiga ega emas.

Ta’lim muassasasining Ustavi quyidagi bo‘limlardan tashkil topadi:

Qisqacha ta’lim muassasasi haqidagi ma’lumotlar.

Ta’lim muassasasining maqsad va vazifalari.

Ta’lim muassasasini boshqarish;

a) ta’lim muassasasini boshqarishning oshkoralik, demokratik va o‘z-o‘zini boshqarish asosida amalga oshirilishi;

b) pedagogik-jamoa Kengashi;

v) direktor, uning huquq va burchlari;

g) direktorning o‘quv-tarbiya ishlari bo‘yicha o‘rinbosarining huquq va burchlari;

d) ma’naviyat va ma’rifat ishlari bo‘yicha direktor o‘rinbosarining huquq va burchlari.

O‘quv-tarbiya va ilmiy-uslubiy ishlarni tashkil etish:

a) ta’lim mazmunining Davlat ta’lim standartlari bo‘yicha ishlab chiqilgan o‘quv reja va dasturlari asosida belgilanishi;

b) o‘quv jarayonini tashkil etish;

v) iqtidorli yoshlar bilan ishlash;

g) ishlab chiqarish amaliyotini o‘tkazish tartibi;

d) qo‘shimcha pulli mashg‘ulotlarni joriy etish;

j) kunlik ish tartibi (seminar, mashg‘ulotlarning davom etishi, tanaffuslar, uy vazifalarini berish tartibi va hokazolar).

Tarbiyachi. Huquq va burchlari.

Bolalar. Huquq va burchlari.

O‘quv-ishlab chiqarish ta’limi ustalari, ma’muriy va yordamchi xodimlarning huquq va burchlari.

Ota-onalar yoki ularning o‘rnini bosuvchi shaxslarning huquqlari, majburiyat va mas’uliyatlari.

Ta’lim muassasasining moddiy va moliyaviy xo‘jalik ta’minoti.