Andijon davlat universiteti maktabgacha pedagogika kafedrasi maktabgacha pedagogika

Ota-onalar bilan jamoa tarzida tashkil qilinadigan ishlar. Bular ota-onalarning guruhiy va umumiy majlislari, ota-onalar maktabi, anjumanlar, shanbaliklar, savol javob kechalari.

Ko‘rsatmali ishlar – tarbiyachi-metodist tomonidan MTM jamoasi bilan hamkorlikda ѐki shaxsiy tashabbusi asosida sub’yektlar, ob’yekt va jaraѐn bilan bevosita tanishish maqsadida tashkil etiladigan amaliy-ko‘rsatmali tadbirlar sanaladi.

Bu turdagi ishlar quyidagi shakllarda amalga oshiriladi:

1. 
   Ko‘rgazmalar uyushtirish (bolalarning ishlarini namoyish qilish, ochiq eshiklar kuni, ota-onalar burchagi, ota-onalar uchun kutubxonalar tashkil qilish).
   
2. 
   Bolaning oilasini borib ko‘rish va oila a’zolari bilan yaqindan tanishish.
   
3. 
   Ota-onalar pedagogik ta’lim berish.
   

MTMda ota-onalar bilan olib boriladigan jamoaviy ishlar quyidagi mazmunga ega:

MTMda tarbiya jaraѐnini tashkil etish muammolari bo‘yicha ota- onalarning an’anaviy yillik ilmiy-amaliy anjumani shakllantiriladi. Oila tarbiyasiga doir dolzarb muammo aniqlab olinadi. MTM va oilada butun yil davomida uni nazariy va amaliy o‘rganish amalga oshiriladi. SHundagina anjuman haqiqatdan ham yakuniy bo‘lishi mumkin.

Ochiq eshiklar kuni ѐki MTMda ota-onalar kuni juda katta tayѐrgarlikni talab etib, odatda uni bolalar bir guruhni tugallab, keyingi bosqichga o‘tishlariga mo‘ljallanadi. MTM maxsus jihozlanadi, navbatchilar belgilanadi, ajoyib bayram dasturi tayѐrlanadi.

Bayramni o‘tkazishning namunaviy tuzilishi:

o majlislar zalida o‘ttiz daqiqa davomida turli guruh ota-onalari uchun MTM faol tarbiyalanuvchilarining chiqishlari tashkil etiladi, eng yaxshi guruh va alohida tarbiyalanuvchilar belgilanadi;

o guruhlar bilan tanishish (tarbiyalanuvchilar ota-onalarga qanday yashaѐtganliklari, qanday ta’lim olaѐtganliklari, nimani o‘rganganliklari, o‘zlarining ko‘nikma va malakalarini namoyish etishadi; katta va tayѐrlov guruhi tarbiyalanuvchilari suvenirlar tayѐrlashada va ota-onalarga topshirishadi);

o ko‘rgazmalarga tashrif buyurish: «Eng yaxshi rasmlar», «Eng yaxshi qo‘lda bajarilgan ishlar», «Kichik musavvirlar va konstruktorlar» va boshqalar;

o ota-onalar qo‘mitasi sovrini uchun tashkil etilgan sport musobaqalari;

o tarbiyalanuvchilarning badiiy film ko‘rishi;

o ota-onalar uchun film namoyish etish.

Albatta bunday ochiq eshiklar kunini o‘tkazish variantlari ko‘p. Eng asosiysi – MTMda olib borilaѐtgan ishlarni namoyish etish, ota-onalarning e’tiborini tarbiyaviy masalalarga qaratish.