Andijon davlat universiteti maktabgacha pedagogika kafedrasi maktabgacha pedagogika

3. MTMning oila bilan ishlash shakllari

«O‘zbekiston Respublikasida maktabgacha ta’lim to‘g‘risida»gi Nizomga muvofiq bola maktabgacha ta’limni uyda ota-onalarning mustaqil ta’lim berishi orqali ѐki doimiy faoliyat ko‘rsatadigan maktabgacha tarbiya muassasalarida, shuningdek, MTMga jalb qilingan bolalar uchun bolalar bog‘chasida, maktablarda, maxallalarda tashkil etilgan maxsus guruhlar ѐki markazlarda oladi.

Bola kunning asosiy qismini MTMda o‘tkazsa ham, inson komoloti uchun eng muhim bo‘lgan omillardan biri tarbiyaning tamal toshi oilada qo‘yiladi. SHu sababli ham maktabgacha pedagogikaning asosiy maqsadi bo‘lgan bolalarni maktab ta’limiga har tomonlama tayѐrlashda MTM bilan oila hamkorligi muhim ahamiyat kasb etadi. MTMning oila bilan ishlash tizimida anik maqsad, mazmun bulishi kerak. Maktabgacha ta’lim muassasaning ota-onalar bilan ishlashida keng axoli ommasi orasida pedagogik tashviqot ishlarini tashkil qilish tufayli bolalarni tarbiyalashda ijobiy natijalarga erishish mumkin. MTM xodimlari ota-onalar va oila bilan hamkorlikdagi ishlaridan eng keng tarqalgan shakllarini keltiramiz.

Bola oilasi bilan aloqalarni o‘rnatish shakllaridan biri dastlabki pedagogik topshiriqni bajarish jaraѐnidagi ota-onalar va tarbiyachining muloqotida aks etadi. Pedagogik topshiriqning bir necha turlarini ajratib ko‘rsatish mumkin. Bolalar bilan uzluksiz(yakka, guruhiy, jamoaviy) ishlash, faol tarbiyaviy nuqtai nazarni talab etuvchi topshiriq: bolalarning qiziqishlari bilan bog‘liq to‘garaklarga rahbarlik qilish va boshqalar. Tarbiyachiga tashkiliy ѐrdam ko‘rsatishni talab etuvchi topshiriq: ekskursiyani tashkil etishga ѐrdamlashish(transport, yo‘llanma bilan ta’minlash); taniqli kishilar bilan uchrashuv-larni tashkil etishga ko‘maklashish; guruh xonasini jihozlashga ѐrdamlashish. Xo‘jalik vazifalarini hal etishga qaratilgan, ta’lim muassasasining moddiy bazasini rivojlantirish va mustahkamlashni talab etuvchi topshiriq: xonalarni jihozlash, o‘quv jihozlari va qurollarini tayѐrlashga ishtirok etish; ta’mirlash ishlariga ѐrdam berish.

Pedagogik topshiriqlarning sanab o‘tilgan mazkur turlari ota- onalarning ijtimoiy ishlarining barcha turlarini qamrab olmaydi. Ota-onalarga ular nima bilan shug‘ullanishni xohlaѐtganliklari bo‘yicha savol bilan murojaat va anketa to‘ldirishni taklif etish mumkin.