Андижон давлат университети Махсус сиртқи бўлими “Мактабгача таълим ва болалар спорти” таълим йўналиши 3-босқич талабаси Шарипова Назокатхоннинг “Мактабгача

Андижон давлат университети Махсус сиртқи бўлими “Мактабгача таълим ва болалар спорти” таълим йўналиши 3-босқич талабаси Шарипова Назокатхоннинг “Мактабгача ёш тарбияланувчиларини ахлоқий тарбиялашда халқнинг маънавий меросидан фойдаланиш” мавзусидаги битирув малакавий ишига


ТАҚРИЗ

Ёшларни тарбиялаш, уларга билим бериш ҳамда жамиятда ўз касбининг маҳоратли эгаси бўлиб етишиши, мамлакат ривожи учун ҳисса қўша оладиган руҳда тарбиялашда педагогика фанида ўзига хос ўрин тутган халқнинг таълим-тарбия борасидаги бой маънавий меросидан фойдаланиш муҳим аҳамият касб этади. Бу борада Ўзбекистон Республикасининг “Таълим тўғрисидаги” ги Қонуни ва “Кадрлар тайёрлаш миллий дастури” талаблари асосида ёшларни комил инсон, баркамол шахс сифатида тарбиялаш, уларнинг онгига аждодларимизнинг халқимиз тарихида таьлим-тарбия ишларини такомиллаштириш ҳамда кадрлар тайёрлаш йўлида олиб борган илмий меросини сингдириб бориш долзарб вазифалардан биридир.

Шу жиҳатдан олиб қаралганда Шарипова Назокатхоннинг “Мактабгача ёш тарбияланувчиларини ахлоқий тарбиялашда халқнинг маънавий меросидан фойдаланиш” мавзусидаги битирув малакавий иши бугунги кунда долзарблик касб этади
Ишнинг кириш қисмида муаммонинг долзарблиги, ишланганлик даражаси, мақсади, объекти, предмети, вазифалари, янгилиги, амалий аҳамияти тўғри баён этилган.
Тадқиқотнинг биринчи бобида “Мактабгача ёш тарбияланувчиларини ахлоқий тарбиялашда халқ маънавий меросидан фойдаланишнинг педагогик асослари” деб номланиб, унда аҳлоқий тарбия мазмуни, мақсад ва вазифалари, мактабгача таълим муассасаларида болаларни маънавий-аҳлоқий қадриятлар руҳида тарбиялаш, соғлом авлод тарбиясида ахлоқий тарбия бериш узлуксизлиги, ҳамда оилада болаларга ахлоқий тарбия беришнинг ўзига хос хусусиятлари таҳлил қилинади
Ишнинг иккинчи боби “Мактабгача ёш тарбияланувчиларининг ахлоқий тарбиялашда халқ маънавий меросидан фойдаланиш усуллари” деб номланиб, унда мактабгача ёшдаги болаларни ноанъанавий омиллар асосида тарбиялаш, миллий қадриятлар орқали мактабгача ёшдаги болаларда миллатга хос хусусиятларни тарбиялаш, ҳамда мактабгача ёш тарбияланувчиларини ахлоқан пок, жисмонан соғлом қилиб тарбиялашда халқ ўйинларидан фойдаланиш масалалари атрофлича ёритиб ўтилган.
Талаба Шарипова Назокат томонидан тадқиқот иши мустақил бажарилган. Тадқиқот ишининг илмий аппарати, боблари, бўлимлари ДАҲ талаблари даражасида шакллантирилган бўлиб, уни ҳимояга тавсия қиламан.