Andijon davlat universiteti axborot texnologiyalari kafedrasi

Yakuniy nazorat bo’yicha baholash mezoni

Yakuniy nazorat 4 semestrda “Yozma” tartibida o`tkaziladi, jami variantlar soni 25 ta. Har bir variant 3 ta nazariy savol va 2 ta amaliy topshiriqdan iborat.

5 semestrda esa “Yozma” tartibida o`tkaziladi, jami variantlar soni 25 ta. Har bir variant 3 ta nazariy savol va 2 ta amaliy topshiriqdan iborat.

Nazariy savollar fan bo’yicha tayanch tushuncha va iboralar asosida tuzilgan bo’lib, fanning barcha mavzularini o’z ichiga qamrab olgan.

Har bir savolga berilgan javoblar bo’yicha o’zlashtirish ko’rsatkichi 0-6 ball oralig’ida baholanadi. Talaba maksimal 30 ball to’plashi mumkin.

Yozma sinov bo’yicha umumiy o’zlashtirish ko’rsatkichini aniqlash uchun variantda bеrilgan savollarning har biri uchun berilgan javoblarga qo’yilgan o’zlashtirish ballari qo’shiladi va yig’indi talabaning yakuniy nazorat bo’yicha o’zlashtirish bali hisoblanadi.

Agar talaba o’ziga berilgan variant savollarining barchasiga to’la va atroflicha javob bera olsa, o’z tushunchalarini izohlay olsa, belgilangan ballning 86-100 % miqdorida, ya’ni 25-30 ball bilan baholanadi.

Agar talaba o’ziga berilgan variant savollarining barchasiga umumiy tushunchaga ega bolgan holda javob bera olsa, biroq tushunchalarini izohlashga bir oz qiynalsa belgilangan ballning 71-85 % miqdorida, ya’ni 21-24 ball bilan baholanadi.

Agar talaba o’ziga berilgan variant savollariga qisman tasavvurga ega bo’lgan holda qoniqarli tarzda javob bersa, lekin o‘quv materialiga ijodiy yondashishga qiynalsa, mavzuga doir tushunchalarni yoki buyruqlarni izohlashda qiynalsa, ayrim xatoliklarga yo’l qo’ysa belgilangan ballning 55-70 % miqdorida, ya’ni 16-20 ball bilan baholanadi.

Agar talaba o’ziga berilgan variant savollariga tasavvurga ega bo’lmasa, savollarga javob bermasa belgilangan ballning 0-54 % miqdorida, ya’ni 0-15 ball bilan baholanadi va fanni o’zlashtirmagan hisoblanadi.