Andijon davlat universiteti axborot texnologiyalari kafedrasi

O’qituvchi kasbiy pedagogik faoliyatining o’ziga xos xususiyatlari

Pedagogik faoliyat inson faoliyatining eng qadimgi va doimiy davom etuvchi faoliyatidir. U jamiyatning ehtiyojlari bilan birga paydo bo’ldi. Asrlar davomida kasbiy tayyorgarlik o’quvchini ishlab chiqarish jarayoniga jalb etish, ijodiy laboratoriyalarda ishlash asosida amalga oshirilar, bunda ustoz o’z ishining ustasi bo’lishi lozim edi. fan va texnikaning jadal rivojlanishi, ularning integratsiyasi, ilmiy-texnik taraqqiyot sharoitlarda kasbiy faoliyat strukturasi va xarakterining murakkablashuvi, yangi texnologiyalarning paydo bo’lishi, bularning hammasi mutaxassisdan keng miqdorda umumta’lim, ilmiy-texnik, kasbiy va madaniy dunyoqarashni talab qiladi.

maxsus fan o’qituvchisining faoliyati boshqa fan o’qituvchilarinikidan quyidagilar bilan farq qiladi:

• 
  kasbiy tayyorgarlikni ta’minlaydigan fanlarning xilma-xilligi bilan;
  
• 
  O’qitish jarayonining ishlab chiqarishdan tashqarida tashkil qilinishi bilan;
  
• 
  Maxsus fan o’qituvchisi o’z kasbiy-pedagogik faoliyat tizimini qurishi lozim bo’lishi bilan.
  

Psixologiyada faoliyat inson tomonidan uni o’rab turgan dunyoni va o’zini o’zgartirishga yo’naltirilgan inson faolligi formasi sifatida qaraladi. Faoliyat moddiy yoki ma’naviy boyliklarni ishlab chiqarishga yo’naltirilganligiga ko’ra uni ikki turga bo’lishadi: moddiy va ma’naviy. Ular strukturasiga ko’ra farq qiladi. Agar faoliyatni jarayon emas, balki birorta substansiya deb qaralsa, u holda ularning har birida umumiy strukturali komponentalarni ajratish mumkin: sub’ekt, obekt, vosita, mahsulot (natija).

Pedagogik faoliyatning boshqa har qanday faoliyatdan farqi uning ma’naviy xarakterdaligidir. Bu uning barcha komponentalarining o’ziga xosligini aniqlaydi (8.1.­jadval).