Andijon davlat universiteti axborot texnologiyalari kafedrasi

Tayanch tushunchalar.

O’quv qo’llanmalar. Didaktik materiallar. Didaktik vosita. o’rgatuvchi didaktik vositalar. Test didaktik vositalar. O’rgatuvchi didaktik vositalar. Test didaktik vositalar. Mashq qildirgichlar.

O’quv qo’llanmalar - bu darslikni to’ldiruvchisidir. O’quv qo’llanmalar fanni to’liq qamrab olmasligi, ya’ni aynan bir qismini (birnechta bo’limini) qamrab olishi mumkin.

Darslikdan farqli ravishda o’quv qo’llanmalarda nafaqat aprobatsiyadan o’tgan, umumiy qabul qilingan bilim va qoidalarni, balki u yoki bu muammoni hal qilishga doir turli fikrlar kiritilishi mumkin. O’quv rejaga yangi fan kiritilganda dastlab o’quv qo’llanmalar yaratiladi. Darslik odatda o’quv qo’llanmalar aprobatsiyalari bazasida yuzaga keladi.

O’quv-metodik ta’minot o’quv dasturlari, darsliklar, o’quv va uslubiy qo’llanmalarni o’z ichiga oladi. Bunda asosiy o’rin darslik va o’quv qo’llanmalariga ajratilgan. Qolgan o’quv-metodik ta’minot asosiy darslik bilan yaqindan bog’langan bo’lib, darslikdagi g’oyalarni tushuntirish va rivojlantirishga xizmat qilishi lozim.
Didaktik materiallarni o’quv jarayonida qo’llanilishi
Ta’limni to’g’ri tashkil etishning asosiy komponentlaridan biri bu didaktik vositalar hisoblanadi. Didaktik vositalar va tarqatma materiallar – bu fanni o’qitishda zarur bo’lgan jihozlar, kompyuterli vositalar, modellar va maketlar, ko’rgazmalar va texnik vositalar, asbob – uskunalar va mahsulotlardir. Shuningdek, o’qitish jarayonida o’qituvchi tomonidan qo’laniladigan tarqatma materiallardir. Ular: kartochkalar, savolnomalar, yo’riqnomalar, qiziqarli savol va topshiriqlar, amaliy ishni tashkil etish bo’yicha texnologik xaritalar va xokazolardir