Andijon davlat universitet jismony madaniyat nazariyasi va metodikasi kafedrasi kurash turlari va uni o

Jismoniy madaniyat nazariyasi va

metodikasi kafedrasi mudiri: Jumaqulov Zoxidjon Patidinovich ______dotsent

“24” avgust 2019 yil

Jismoniy madaniyat fakul’teti dekani: Nasirov Botir Munirovich __________p.f.n.

“26” avgust 2019 yil

KELISHILDI:

O’quv uslubiy boshqarma boshlig’i: Mullajonov Rustamjon ____________ m.f.n

“31” avgust 2019 yil

MUNDARIJA

№	ISHNING MAZMUNI	bet
	Kirish
1	O‘quv materiallar
1.1	Ma’ruza mashg‘ulotlar
1.2	Amaliy mashg‘ulotlar
2	Mustaqil ish mashg‘ulotlar
3	Glossariy
4	Ilovalar
4.1	Fan dasturi
4.2	Ishchi fan dasturi
4.3	Tarqatma materiallar
4.4	Testlar.
4.5	Kalendar rejalar
5	Baholash mezoni
6	O`UM ni elektron varyanti

Kirish

Ushbu o`quv-uslubiy majmuada kurash turlari va uni o`qitish metodikasi fanining nazariy va amaliy asoslari ochib berilgan. O`quv-uslubiy majmua jismoniy madaniyat ta’lim yo`nalishi bakalavr talabalari uchun mo`ljalangan bo`lib, mazkur fan namunaviy fan dasturida keltirilgan materiallar, qoidalar va xulosalarni amaliy va nazariy jihatdan puxta o`zlashtirishlari, talabalarning kelgusi faoliyatida samarali foydalanishlari hamda ijodiy yondashishlarini ta’minlash kurash turlari va uni o`qitish metodikasi fanini o`rganishning oldida turgan asosiy vazifalardan biridir. Oliy ta’limning fundamentalligi real dunyodagi jarayonlar, ob’yektlar va hodisalar orasidagi munosabatlarni ajratib bila olishga yo`naltirilgan bo`lib, yuqori malakali mutaxassislarni tayyorlashda asos sifatida qabul qilingan. Davlat ta’lim standartlari tayyorlanayotgan kadrlarning ko`nikma va malakalariga yuqori talablarni qo`ymoqda. Shu talablar zamonaviy sharoitlardan bevosita kelib chiqqan bo`lib, ularning maqsadi ta’lim olayotgan yoshlardan milliy intellektual elitani shakllantirishdan iborat. Gumanitar ta’lim yo`nalishlari uchun qo`yilgan malaka talablari ichida kurash turlari va uni o`qitish metodikasi faniga doir talablar alohida o`rin tutadi. Bu esa o`quv rejalarda o`z ifodasini topdi.

Ushbu dasturda jismoniy tarbiya darslarida kurash turlari va uni o`qitish metodikasi kelib chiqish tarixi, rivojlanish bosqichlari, turkumlari, tasnifi, milliy kurash texnikasi va taktikasini o`rgatish, milliy kurash darslarini tashkil qilish va o`tkazish metodlari hamda yangi pedagogik texnologiyalardan foydalanish masalalarini qamraydi.

Kurash turlari va uni o`qitish metodikasi fani asosiy ixtisoslik fan hisoblanib 5-7 semestrlarda o`qitiladi. Dasturni amalga oshirish o`quv rejasida berilgan umumiy psixologiya, umumiy pedagogika, jismoniy madaniyat nazariyasi va metodikasi, gimnastika va uni o`qitish metodikasi, yengil atletika va uni o`qitish metodikasi, sport va harakatli o`yinlarni o`qitish metodikasi, kurash turlari va uni o`qitish metodikasi, sport mahoratini oshirish, sport turlari bo`yicha musobaqalar o`tkazish va hakamlik qilish kabi fanlardan yetarli bilim va ko`nikmalarga ega bo`lishlikni talab etadi.

O`quv-uslubiy majmua Oliy o`quv yurtlarining kurash turlari va uni o`qitish metodikasi fani bo`yicha bakalavriyat ta’lim yo`nalishlarida bilim olayotgan talabalar va magistrlarga mo`ljallangan. Shuningdek kurash turlari va uni o`qitish metodikasi fani mavjud barcha ta’lim yo`nalishlari, kasb-xunar kollejlari, akademik litseylar va turizm sohasida faoliyat ko`rsatayotgan mutaxassislar ham foydalanishi mumkin.